قازاقستان ٸٸم بٸرنەشە مەملەكەتتٸ قامتىعان ارنايى وپەراتسييا بارىسىندا ادامداردى جالعان جۇمىس ۇسىنىستارى ارقىلى ەسٸرتكٸ بيزنەسٸنە تارتقان حالىقارالىق قىلمىستىق جەلٸنٸڭ جولىن كەستٸ, دەپ حابارلايدى ult.kz.
بٸر جىلدان استام ۋاقىتقا سوزىلعان وپەراتسيياعا ۋكراينا, البانييا, قازاقستان قۇقىق قورعاۋ ورگاندارى, ينتەرپول جەنە اقش-تىڭ ەسٸرتكٸگە قارسى كٷرەس باسقارماسى قاتىستى.
قىلمىستىق توپ call-ورتالىق وپەراتورلارى, HR-مەنەدجەرلەر, حيميكتەر, كۋرەرلەر مەن لوگيستەردٸ زاڭدى جۇمىسقا ورنالاستىرۋدى سىلتاۋمەن جالداعان. الايدا ولاردى ەسٸرتكٸ بيزنەسٸنە تارتقان.
تەرگەۋ بارىسىندا ۋكراينا مەن قازاقستاندا 146 تٸنتۋ جٷرگٸزٸلٸپ, Telegram-داعى 31 ەسٸرتكٸ دٷكەنٸ انىقتالدى. قىلمىستىق جەلٸنٸڭ 27 بەلسەندٸ مٷشەسٸ انىقتالىپ, جەتٸ ادام ۇستالدى, تاعى توعىز ادامعا ايىپ تاعىلدى.
وپەراتسييا كەزٸندە 24 كەلٸ سينتەتيكالىق ەسٸرتكٸ قوسپاسى, 3,5 مىڭنان استام قولدان جاسالعان شىلىم جەنە ەكٸ مىڭعا جۋىق دايىن پاكەت تەركٸلەندٸ.
ٸٸم ازاماتتاردى ينتەرنەتتەگٸ «وڭاي ەرٸ جوعارى تابىس» ۇسىناتىن كٷمەندٸ جۇمىس حابارلاندىرۋلارىنان ساق بولۋعا شاقىردى.
