Qazaqstanda karantin sharalary kezeń-kezeńimen jeńildetý josparlanǵan. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Karantindi sozý týraly sheshim naqty tarazylanatyndyǵyn túsiný óte mańyzdy. Biz úshin aýrýdyń ósim dinamikasy nemese onyń tómendeýi mańyzdyraq bolyp tur. Eki apta boiy málimetterge kúndelikti monitoring jasap otyramyz. Eger aýrýdyń turaqty túrde tómendegendigin baiqaityn bolsaq, onda karantin sharalaryn kezeń-kezeńimen jeńildetý josparymyzda bar. Al eger kórsetkish dinamikasy nasharlap ketetin bolsa, onda basqa sheshim qabyldanady. Qazirgi ýaqytta kórsetkishterdiń oń dinamikasy baiqalady», - dedi ministr Ortalyq kommýnikatsiialar qyzmetindegi baspasóz máslihaty barysynda.
Aleksei Tsoidyń dereginshe, qazirgi ýaqytta elimizde shamamen 1 980 tósek-oryn kútý rejimine kóshirilgen nemese burynǵy keste boiynsha jumystaryn bastaǵan.
