Ulttyq qaýipsizdik komiteti Qazaqstan men Qyrǵyzstannyń quqyq qorǵaý organdarymen birlese is-áreket etip, Ortalyq Aziia elderine arnalǵan zańsyz esirtki óndirisimen ainalysatyn halyqaralyq esirtki sindikatynyń jolyn kesý boiynsha arnaiy operatsiiany júzege asyrdy, dep habarlaidy "Ult aqparat" vedomstvonyń baspasóz qyzmetine silteme jasap.
"Kóp kezeńdi jedel is-sharalar sheńberinde 2-3 maýsymda Almaty qalasynda "alfa-PVP" esirtki zatynyń 17.7 kelisin tasymaldaý jáne saqtaý kezinde esirtki qylmysyna qatysty toptyń 4 kómekshisi ustaldy. Ustalǵandardyń biriniń turǵylyqty meken-jaiy boiynsha psihotroptyq zattar óndiretin jerasty zerthana tabyldy.
Esirtki kontrabandalyq jolmen Qyrǵyzstanǵa jiberýge, sondai-aq Shymkent jáne Óskemen qalalarynda satýǵa arnalǵan bolyp shyqty.
Qylmystyq toptyń bailanystaryn joiý úshin Ulttyq qaýipsizdik komiteti Qyrǵyzstannyń IIM-men ózara is-qimyldy iske asyrdy. Nátijesinde, 5 maýsymda Bishkek qalasynda jasyryn jerden 3 keli esirtki zatyn alý kezinde Qyrǵyzstannyń 3 azamaty ustaldy. Arnaiy operatsiianyń sońǵy kezeńi Óskemen jáne Shymkent qalalaryndaǵy bir mezgilde 3 esirtki kýreriniń ustalýymen aiaqtaldy. Olardy tekserý barysynda 2 keli esirtki tabyldy" - delingen habarlamada.
Jalpy terrorizmge qarsy operatsiia barysynda esirtki qylmysyna qatysy bar 10 adam ustalyp, iri esirtki laboratoriiasynyń jumysy toqtatylǵan. Tárkilengen esirtkiniń jalpy salmaǵy 22.7 kelini qurady (68 myń "bir rettik dozaǵa" teń).
Atalǵan faktiler boiynsha sotqa deiingi is-sharalar ótip jatyr.
