Birqatar ministrler, depýtattar men Ulttyq banktiń ókilderi mamyr aiynda «Nur Otan» partiiasynyń respýblikalyq qoǵamdyq qabyldaýynda azamattarmen jeke júzdesetin bolady, dep habarlaidy "Ult aqparat".
«Premer-Ministrdiń orynbasary - Aýyl sharýashylyǵy ministri Ómirzaq Shókeev, Aqparat jáne kommýnikatsiialar ministi Dáýren Abaev, Ádilet ministri Marat Beketaev jáne Ulttyq ekonomika ministri Timýr Súleimenov Astanadaǵy partiialyq alańda mamyr aiynda azamattardy qabyldaityn bolady», - delingen partiianyń baspasóz qyzmetiniń habarlamasynda.
Sonymen birge, shaǵymdy qabyldap, tiisti kómek kórsetý úshin partiia «Nur Otan» fraktsiiasy atynan segiz Májilis depýtatyn, eki vitse-ministrdi (QR Mádeniet jáne sport vitse-ministri Sáken Musaibekov pen Eńbek jáne halyqty áleýmettik qorǵaý vitse-ministri Svetlana Jakýpova), Ulttyq kásipkerler palatasy basqarma tóraǵasynyń orynbasaryn, QR Ulttyq banki ishki kommýnikatsiia jáne qarjylyq qyzmet tutynýshylarynyń quqyǵyn qorǵaý boiynsha basqarma basshysynyń orynbasary Iman Ál-Keisidi shaqyryp otyr. Sonymen birge, partiianyń hatshylary Ǵabidolla Ábdirahimov pen Qanybek Jumashev azamattardy qabyldaityn bolady.
Buǵan qosa, 24 mamyr kúni partiialyqtar «Nur Otan» partiiasynyń respýblikalyq qoǵamdyq qabyldaýynda QR áskeri memlekettik organdary basshylarynyń azamattardy qabyldaýyn uiymdastyrady.
.jpeg)