Túrkistan oblysy Arys qalasyndaǵy áskeri bólim aýmaǵyndaǵy jarylysqa bailanysty aimaq basshysy Ómirzaq Shókeevtiń tóraǵalyǵymen arnaiy komissiia quryldy, dep habarlaidy "Ult aqparat".
«24 maýsym saǵat 09:20-da órt sóndirý qyzmetine №44856 áskeri bólimniń qoimasynda jarylys bolyp, órt shyqqany týraly habarlama kelip tústi. Oqiǵa ornyna oblystyq TJD jeke quramynyń 52 adamy men 12 tehnikasy jumyldyryldy. Sondai-aq Shymkenttegi kinologiialyq qyzmettiń 23 adamy attandyryldy. Qazirgi tańda oqiǵa ornynda órt sóndirý sharalary men evakýatsiialyq jumystar júrgizilýde. Tótenshe jaǵdaidan zardap shekkender týraly aqparat anyqtalýda», - delingen Arys qalasy ákimdiginiń resmi málimetinde.
Osy jaǵdaiǵa bailanysty Túrkistan oblysy ákimdiginiń basshylyq quramy oqiǵa ornyna attanyp ketti.
Aita keteiik, buǵan deiin Arys qalasyndaǵy áskeri bólimniń qoimasynda jarylys bolǵandyǵy týraly habarlanǵan edi. Shymkent qalalyq TJD shuǵyl jeli qurdy.
QR Qorǵanys ministrligi resmi aqparat taratyp, osy ýaqyttaǵy jaǵdai boiynsha qaza bolǵandar men zardap shekkender joqtyǵyn málim etti. «Ministrlik tarapynan oqiǵa ornyna arnaiy komissiia jóneltildi», - dedi vedomstvodan.
