Ánshi Jazira Baiyrbekovanyń sińlisi Nazira Baiyrbekova áleýmettik jelidegi paraqshasynda jeke ómirine qatysty jazba jariialap, neke adaldyǵy týraly oiyn bólisti, dep habarlaidy ult.kz.
Nazira Baiyrbekova jazbasynda kúieýiniń ózine opasyzdyq jasaǵanyn meńzep, mundai áreketti keshirmeitinin ashyq jetkizgen.
Onyń aitýynsha, ózin baǵalaityn jáne otbasyn, neke adaldyǵyn basty qundylyq sanaityn áiel opasyzdyqty qabyldamaýy kerek.
«Óz qunyn biletin, ózin-ózi baǵalaityn, shekarasy anyq, otbasyn, neke adaldyǵyn qundy dúniem, baqytymnyń ózegi dep qaraityn áielder "izmenany" keshirmeidi», – dep jazdy ol.
Naziranyń sózinshe, áiel jasy qanshada bolsa da, jubaiy opasyzdyq jasasa, onymen birge qalmaýǵa quqyly.
«Olar 60, 70, 80 jasta bolsa da, neke adaldyǵyn buzǵan adammen bir shańyraqta turmaidy. Ómiriniń sońǵy kúni bolsa da, búgin ajyrasady. Olar ózin eshkimniń qor qylýyna jol bermeidi», – dedi ol.
Jazbasyn ol: «Qosh bol, kóńildes izdeýden basqa ómirden mán taba almaǵan adam!» degen sózdermen aiaqtaǵan.
Nazira Baiyrbekova bul jazbasy arqyly neke adaldyǵy ózi úshin mańyzdy qundylyq ekenin jáne opasyzdyqty keshirmeitinin bildirgen.
«Oqysam, ol iship, saǵattap telefonda jatqanda men kúndiz jumys istep, túngi 3-4 ke deiin otyryp oqydym. Men jái ǵana sol oqýǵa ruqsat bereni úshin riza edim oǵan.
Meniń de tórt qyzym, ápkelerim, kelinderim bar. Men "izmena" degen nársege eshkim tózbese eken, eshkim ondaidy keshirmese eken deimin. Otbasynyń shynaiy qundylyǵy sonda ǵana saqtalady. Bul sheshimge sanaly túrde kelip otyrmyn», - dep jaýap jazdy oqyrmandarynyń birine.
Al Jazira Baiyrbekova sińlisiniń jazbasyn óz paraqshasynda bólisken jáne sińlisiniń ajyrasýyna sebepker áieldiń de sýretin jariialaǵan.
