Qazaqstan Ulttyq Banki ÓMIR SHEJIRESI kollektsiialyq monetalaryn ainalymǵa shyǵarady.
Monetalardyń qai kúni satylymǵa shyǵatyny týraly aqparat QUB resmi saitynda qosymsha habarlanady.
ÓMIR SHEJIRESI kollektsiialyq monetalary týraly
Nominaly 777 jáne 7 777 teńgelik altyn jalatylǵan ÓMIR SHEJIRESI kollektsiialyq kúmis monetalary «Siqyrly nyshandar» seriiasyn jalǵastyrady. Ádettegi standartqa jatpaityn nominaldardyń sandyq belgileri moneta óndirisinde alǵash ret qoldanylyp otyr.
«ÓMIR SHEJIRESI» (ómir shejiresi) – túrki halyqtarynyń ónerinde jii kezdesetin nyshandardyń biri, eki álemniń – Jer men kóktiń shartty-simvolikalyq ózara bailanysyn bildiretin shejirelik jazý. Kóne túrkilerdiń dúnietanymynda ómir aǵashy jerdi tamyrymen ustap turǵan, al táji aspandy ustap turǵan, onda Kún men jaryqtyń simvoly retinde altyn jumyrtqa salatyn qasietti Samuryq qus ómir súrgen.
Monetalardyń sipattamasy
Moneta aversiniń ortalyq bóliginde Qazaqstan Respýblikasynyń Memlekettik eltańbasy oiý-órnek betinde beinelengen. QAZAQSTAN RESPÝBLIKASY ∙ REPUBLIC OF KAZAKHSTAN jazýy ainaldyra jazylǵan. Tómengi bóliginde – Qazaqstan teńge saraiynyń taýar belgisi (logotipi) men massasy 777,5 gramdyq monetada – 7777 TEŃGE, massasy 31,1 gramdyq monetada – 777 TEŃGE jazýy bar. Monetalardyń joǵarǵy bóliginde – soǵylǵan jylyn bildiretin «2021» jazýy, sol jáne oń jaǵynda – daiyndalǵan metaldy, synamasy men monetalardyń salmaǵyn bildiretin jazýlar kórinis tapqan. Joǵarǵy bóliginde – ÓMIR SHEJIRESI jazýy bar.
Monetalardyń reversinde ómir aǵashy men altyn jumyrtqanyń stildendirilgen beinesi ornalasqan. Tómengi bóliginde «ÓMIR SHEJIRESI» degen jazba bar.
Monetalar:
- 925/1000 synamdy kúmisten daiyndalǵan; massacy – 777,5 gramm, daiyndaý sapasy – proof, nominaly – 7 777 teńgelik, taralymy – 500 dana;
- 925/1000 synamdy kúmisten daiyndalǵan; massacy – 31,1 gramm, daiyndaý sapasy – proof, nominaly – 777 teńgelik, taralymy – 7777 dana;
Monetalar olardyń belgilengen quny boiynsha Qazaqstan Respýblikasynyń búkil aýmaǵynda tólemderdiń barlyq túri boiynsha, sondai-aq bank shottaryna esepteý úshin jáne Qazaqstan Respýblikasynyń barlyq bankterinde aýdarý, usaqtaý jáne aiyrbastaý úshin qabyldanýǵa jatady.
Kollektsiialyq monetalar Qazaqstan teńge saraiynda daiyndalǵan.
