Áielderge uiatsyz usynystar jasady degen aiyppen mandatynan aiyrylǵan eks-depýtat Asqar Sadyqovtyń qyzy, ánshi Dequine Instagram paraqshasynda pikir bildirdi.
Aita keteiik, ánshi Dequine májilis depýtaty bolǵan Asqar Sadyqovtyń qyzy.
"Sońǵy kúnderi kóp jańalyq bolyp jatyr, oqiǵalardyń qalai órbip jatqanyn ózderińiz de kórip otyrsyzdar. Ákem, Asqar Sadyqov, jumys ornynda harassment jasady degen aiyptaýlarǵa ushyrady.
Men de sizder siiaqty bolyp jatqan jaǵdaiǵa tereń kúizelip otyrmyn. Shynymdy aitsam, ne aitarymdy, ne isterimdi, kimge senerimdi jáne mundai jaǵdaida qalai áreket etýdi bilmeimin. Ómir meni mundai jaǵdaiǵa daiyndaǵan joq. Buryn da qoǵamdyq harassment máselesimen betpe-bet kelgen adam úshin bul jaǵdai úlken kúizelis ákeldi.
Bul jaǵdai meniń ómirimdegi eki basty qundylyqqa soqqy boldy: otbasym men áielderdiń jeke basyna qol suǵylmaý quqyǵy. Birneshe jyl buryn men harassment pen barlyq zorlyq-zombylyq túrlerine qarsy bolǵanymdy málimdegendei, qazir de sol printsipterime adalmyn. Kez kelgen zorlyq-zombylyqty qatań aiyptaimyn.
Osy qiyn kezeńde qoldaý kórsetip, menimen birge ýaiymdap jatqan barlyq jandarǵa alǵys aitamyn. Sizderdiń qoldaýlaryńyz men úshin baǵa jetpes", - dep jazdy Dequine.
Aita keteiik, "Aq jol" partiiasy Sadyqovqa jańa aiyptar taqty.
