Aqtóbe oblysynda júrgizýshi kýáliginen ómir boiyna aiyrylǵanyna qaramastan, mas kúide kólik basqarǵan er adam qaitadan politsiianyń qolyna tústi, dep habarlaidy ult.kz.
Oqiǵa 27 maýsym kúni Mártók aýdanyndaǵy aýyldardyń birinde bolǵan. Ýchaskelik politsiia inspektory kúdik týdyrǵan Opel Frontera avtokóligin toqtatyp, róldegi 44 jastaǵy jergilikti turǵynnyń masań kúide ekenin anyqtaǵan. Meditsinalyq saraptama onyń alkogoldik mas kúide bolǵanyn rastady.
Tekserý barysynda er adamnyń buǵan deiin de dál osyndai quqyq buzýshylyq jasaǵany belgili boldy. Ol alǵash ret mas kúide kólik júrgizgeni úshin jeti jylǵa júrgizýshi kýáliginen aiyrylǵan. Alaida bul jaza merzimi aiaqtalmai jatyp, qaitadan mas kúide rólge otyrǵan. Osy qaitalanǵan zań buzýshylyǵy úshin sot ony kólik quralyn basqarý quqyǵynan ómir boiyna aiyrǵan.
Soǵan qaramastan, er adam zań talabyn taǵy da óreskel buzyp, kólik tizgindegen.
Qazirgi ýaqytta avtokólik mamandandyrylǵan aiyp turaǵyna qoiyldy. Kúdikti ýaqytsha ustaý izoliatoryna qamaldy.
Atalǵan fakti boiynsha sotaldy tergeý bastaldy.
