«Omikrondy» emdeýde dárigerler koronavirýstyń basqa shtamdarynda qoldanǵan segiz virýsqa qarsy preparat tiimdiligin kórsetti. Bul Kent ýniversiteti men Gete atyndaǵy Frankfrýt ýniversiteti ǵalymdary júrgizgen zertteýler nátijesinde anyqtaldy, dep habarlaidy QazAqparat Cell Research basylymyna silteme jasap.
Kletkalardy zertteý nátijesi «omikronnyń» segiz virýsqa qarsy preparattarǵa jáne koronavirýstyq infektsiiany emdeýge arnalǵan dári-dármekke sezimtal ekenin kórsetti. Olarǵa EIDD-1931 (molnýpiravirdiń belsendi metaboliti), ribavirin, remdesivir, favipravir, PF-07321332 (nirmatrelvir, pakslovidtiń belsendi ingredienti), nafamostat, kamostat jáne aprotinin jatady.
Sondai-aq ǵalymdar «omikron» juqtyrǵan naýqastardyń derttiń aýyr túrlerimen azyraq aýyratyn sebebin de atady. Bul shtamm deneniń barlyq jasýshalarynda bolatyn interferon dep atalatyn reaktsiianyń basylýyna erekshe sezimtal bolatyndyǵyna bailanysty.
