Koronavirýstyń omikron shtamy jeńil ótedi, biraq tez taraidy. Bul týraly Almatydaǵy I. S. Jekenov atyndaǵy qalalyq klinikalyq juqpaly aýrýlar aýrýhanasy bas dárigeriniń emdeý jumysy jónindegi orynbasary, infektsionist dáriger Tamara Utaǵanova ÓKQ alańynda ótken brifingide aitty, dep habarlaidy QazAqparat tilshisi.
Spikerdiń sózinshe, búginde Almatyda omikron nusqasynyń úlken ainalymy baiqalady.
Omikron juqtyrǵan naýqastardyń aǵymy men emi ártúrli. Munda áńgime, infektsiianyń basqa adamdarǵa tez taralýy týraly bolýda.
Sonymen qatar, aýrýdyń aǵymy jeńil, ambýlatoriialyq emdeý úshin kóbirek múmkindikter bar.
«Hattama saqtalsa da, biz gormondyq terapiiany qoldaný úshin dári-dármekterdiń osyndai dozalaryna júginemiz. Kóptegen naýqastarda birqatar preparattardy qoldaný úshin satýratsiia buzylǵan joq. Árbir naýqasqa qajet bolǵan jaǵdaida jeke antikoagýlianttyq terapiia taǵaiyndalady. Biraq negizinen emdeý qabynýǵa qarsy terapiiany, sondai-aq kóp ishetin terapiiany qamtidy. Erte meditsinalyq kómekke júginý jáne erte oqshaýlaý jaqsy kómektesedi. Aýrý jeńil ótedi, biraq juqtyrǵandar sany kóp», - dedi Utaǵanova.
Sonymen qatar, ol «sýperimmýnitettiń» ne ekenin túsindirdi.
«Virýspen kezdesken saiyn immýnitetimiz mýtatsiialanady jáne sáikesinshe oǵan qarsy kúsh jinalady. Osylaisha, vaktsinalanǵan jáne saýyǵa bastaǵan patsientte vaktsinalanbaǵan adamnyń aǵzasyna qaraǵanda aqparat bar. Iaǵni, vaktsinatsiia arqyly immýnitet úshin bir aqparatty, aýrý týraly basqa aqparatty aldyq. Nátijesinde immýnitet bolashaqta virýstyń ózgergishtigi men mýtatsiiasyna daiyn bolady», - dedi ol.
Juqpaly aýrýlar aýrýhanasy basshysynyń orynbasary omikronnan keiingi asqynýlardy túsindirdi.
«Kez kelgen juqpaly aýrýdyń asqynýy sozylmaly aýrýlardy kúsheitedi. Omikronnyń ózi tynys alý joldarynyń infektsiiasy, sáikesinshe pnevmoniia, tynys alý jetkiliksizdigi baiqalady. Omikron ońai ótedi, biraq qatar júretin aýrýlardyń asqynýy men órshýi boiynsha qaýip toptary bar», - deidi Tamara Utaǵanova.
