Koronavirýstyń "omikron" shtamy taralyp bolǵannan keiin COVID-19 álsirep, aýrýdyń saldary sonshalyqty aýyr bolmaýy múmkin.
Mundai pikirdi reseilik virýsolog, Gamaleia ortalyǵynyń professory Anatolii Altshein Sputnik radiosyna bergen suhbatynda bildirdi, dep habarlaidy Sputnik.
Dúniejúzilik densaýlyq saqtaý uiymy atap ótkendei, jańa shtamm jahandyq aýqymda tez taraidy, degenmen, Altsheinniń pikirinshe, "omikron" Jańa jylǵa deiin indettiń jańa tolqynyn týdyrady dep boljaýǵa áli erte.
"Jańa jylǵa deiin ol taralyp úlgermeidi. Mysaly, "Delta" shtamy 2020 jyldyń kúzinde paida bolyp, shamamen 2021 jyldyń mamyr-shilde ailarynda tarady, iaǵni virýstyń taralýy úshin alty ai qajet boldy", - dedi virýsolog.
Altsheinniń aitýynsha, "omikronnyń" qanshalyqty juqpaly ekendigi belgili bir ýaqyttan keiin ǵana baǵalanady, biraq onyń genomy týraly aqparat virýstyń bul túrinen paida bolatyn aýrý basqa shtamdarǵa qaraǵanda jeńil ótetinin boljaýǵa múmkindik beredi.
"Virýstyń bul túriniń qyzyqty ereksheligi bar: onyń negizgi aqýyzynda (S-aqýyz) 32 mýtatsiia bolady, bul turaqsyz genom bolýy múmkin, ol ońai mýtatsiiaǵa ushyraidy. Eger onyń genomy turaqsyz bolsa, onda birinshi kezekte aýyr saldarǵa ákeletin aýrýdy basyp tastaidy. Biz qazirdiń ózinde júz adam juqtyrǵanyn kórip otyrmyz, barlyǵynyń aýrýy jeńil, eshkim qaitys bolǵan joq", - dedi Altshtein.
Dáriger omikron shtamynyń paida bolýy pandemiianyń aiaqtala bastaǵanyn bildiredi degen pikirde.
"Eger koronavirýstyń ólim-jitimi tumaýdan qaitys bolǵandardyń sanymen teńesetin bolsa, onda pandemiia aiaqtaldy dep aita alamyz. Pandemiia "omikronmen" aiaqtalýy múmkin", - dep jalǵastyrdy virýsolog.
Bul rette reseilik maman jańa shtamnyń qart adamdarǵa áseri týraly naqty qorytyndy jasaýǵa áli erte ekenin atap ótti.
Buǵan deiin qazaqstandyq immýnolog Rafail Rozenson koronavirýstyń jańa shtamy burynǵy shtamdarǵa qaraǵanda edáýir juqpaly ekenin jáne vaktsinalaý kovidten qorǵanýdyń jalǵyz amaly bolyp qala beretinin aitqan edi.
