Koronavirýstyń jańa Omikron shtamy keminde 20 elden tabyldy, olardyń sany taǵy da ósýi yqtimal, dep habarlaidy QazAqparat Euronews-ke silteme jasap.
Buǵan deiin Omikron Ońtústik Afrika Respýblikasynyń ǵalymdary ony tapqanǵa deiin bir aptadan astam ýaqyt ishinde búkil álemge tarala bastaǵany belgili bolǵan edi.
Sodan beri kóptegen elder Ońtústik Afrikaǵa saparǵa barýǵa tyiym saldy. Sońǵy joly 2-15 jeltoqsan aralyǵynda áýe qatynasyn toqtatqan Ispaniia boldy.
Alaida DDSU halyqaralyq saparlarǵa tolyǵymen tyiym salý koronavirýstyń taralýyn toqtatpaidy dep sanaidy.
Kóptegen elder múmkindiginshe vaktsinatsiia baǵdarlamalaryn kóbirek qamtýǵa erekshe nazar aýdarýda.
Mysaly, Ulybritaniia premer-ministri Boris Djonson qańtar aiynyń sońyna deiin barlyq eresekterdi revaktsinalaý merzimin belgiledi.
11 jeltoqsanǵa deiin jalpyhalyqtyq lokdaýndy uzartatyn Aýstriia siiaqty basqa elder iri kólemde aiyppul salý qaýpimen halyqty vaktsinalaýǵa mindetteidi.
Grekiiada mundai sharalar tek 60 jastan asqan adamdarǵa ǵana qatysty bolmaq. Úshinshi ekpeni almaǵandar 16 qańtardan bastap ai saiyn memlekettik qazynaǵa 100 eýro tóleidi.
Biraq jańa shtamm qoldanystaǵy vaktsinalarǵa qarsy tura alady degen qaýip basym.
Jaqynda buryn Moderna bas direktory Stefan Bansel olardyń Omikronǵa qarsy tiimdiligine kúmán keltirdi. Onyń aitýynsha, jańa vaktsinalar jasaý úshin birneshe ai qajet bolady.
