كوروناۆيرۋستىڭ جاڭا وميكرون شتامى كەمٸندە 20 ەلدەن تابىلدى, ولاردىڭ سانى تاعى دا ٶسۋٸ ىقتيمال, دەپ حابارلايدى قازاقپارات ەuronews-كە سٸلتەمە جاساپ.
بۇعان دەيٸن وميكرون وڭتٷستٸك افريكا رەسپۋبليكاسىنىڭ عالىمدارى ونى تاپقانعا دەيٸن بٸر اپتادان استام ۋاقىت ٸشٸندە بٷكٸل ەلەمگە تارالا باستاعانى بەلگٸلٸ بولعان ەدٸ.
سودان بەرٸ كٶپتەگەن ەلدەر وڭتٷستٸك افريكاعا ساپارعا بارۋعا تىيىم سالدى. سوڭعى جولى 2-15 جەلتوقسان ارالىعىندا ەۋە قاتىناسىن توقتاتقان يسپانييا بولدى.
الايدا ددسۇ حالىقارالىق ساپارلارعا تولىعىمەن تىيىم سالۋ كوروناۆيرۋستىڭ تارالۋىن توقتاتپايدى دەپ سانايدى.
كٶپتەگەن ەلدەر مٷمكٸندٸگٸنشە ۆاكتسيناتسييا باعدارلامالارىن كٶبٸرەك قامتۋعا ەرەكشە نازار اۋدارۋدا.
مىسالى, ۇلىبريتانييا پرەمەر-مينيسترٸ بوريس دجونسون قاڭتار ايىنىڭ سوڭىنا دەيٸن بارلىق ەرەسەكتەردٸ رەۆاكتسينالاۋ مەرزٸمٸن بەلگٸلەدٸ.
11 جەلتوقسانعا دەيٸن جالپىحالىقتىق لوكداۋندى ۇزارتاتىن اۋسترييا سيياقتى باسقا ەلدەر ٸرٸ كٶلەمدە ايىپپۇل سالۋ قاۋپٸمەن حالىقتى ۆاكتسينالاۋعا مٸندەتتەيدٸ.
گرەكييادا مۇنداي شارالار تەك 60 جاستان اسقان ادامدارعا عانا قاتىستى بولماق. ٷشٸنشٸ ەكپەنٸ الماعاندار 16 قاڭتاردان باستاپ اي سايىن مەملەكەتتٸك قازىناعا 100 ەۋرو تٶلەيدٸ.
بٸراق جاڭا شتامم قولدانىستاعى ۆاكتسينالارعا قارسى تۇرا الادى دەگەن قاۋٸپ باسىم.
جاقىندا بۇرىن Moderna باس ديرەكتورى ستەفان بانسەل ولاردىڭ وميكرونعا قارسى تيٸمدٸلٸگٸنە كٷمەن كەلتٸردٸ. ونىڭ ايتۋىنشا, جاڭا ۆاكتسينالار جاساۋ ٷشٸن بٸرنەشە اي قاجەت بولادى.
