22 qyrkúiekte «Otandastar qory» KEAQ Dúniejúzi qazaqtar qaýymdastyǵymen birlesip, QR Aqparat jáne qoǵamdyq damý, Syrtqy ister ministrlikteriniń jáne RF Omby oblysy Úkimetiniń qoldaýymen onlain-formatta Ombyda «Abai úii» qazaq mádeni-iskerlik úiiniń saltanatty ashylýyn ótkizdi. Bul týraly "Ult aqparat" «Otandastar qoryna» silteme jasap habarlaidy.
Is-sharaǵa QR Aqparat jáne qoǵamdyq damý vitse-ministri Marat Ázilhanov, QR Syrtqy ister ministrliginiń, Omby qalasyndaǵy Qazaqstan Respýblikasy konsýldyǵynyń ókilderi, sondai-aq «Otandastar qorynyń» basshylary, «Omby qazaqtary» qoǵamdyq birlestiginiń ókilderi jáne t. b. qatysty.
Kezdesý aiasynda qazaq mádeni-iskerlik úiiniń tusaýkeseri ótti, sondai-aq Reseidegi qazaqtardyń mádeni, iskerlik jáne bilim berý qyzmetin qoldaýǵa baǵyttalǵan birlesken jobalardy iske asyrý máseleleri talqylandy.
Jiyn barysynda «Abai úii» qazaq mádeni-iskerlik úileriniń qazaq mádeni murasyn keńinen nasihattaý, sheteldegi otandastarmen iskerlik jáne gýmanitarlyq bailanystardy nyǵaitý boiynsha maqsattary men mindetteri aityldy.
Atap óter jait, 2020 jyldyń sońyna deiin «Otandastar qory» Qyrǵyzstanda (Bishkek q.), Ózbekstanda (Tashkent q.), Germaniiada (Berlin q.), Túrkiiada (Ystanbul q.) «Abai úii» atty taǵy 4 qazaq mádeni-iskerlik úiin ashýdy josparlap otyr.
