Buǵan deiin áleýmettik jelilerde Maksim Spotkai esimdi qoldanýshy video taratyp, qazba jumystary Omby qalasyna jaqyn qazaq ziratynda júrgizilip jatqanyn jetkizgen. Ol jerde buryn Qarjas aýyly bolǵan, dep xabarlaidy Ult.kz tilshisi QazAqparat agenttigine silteme jasap.
"Biz Ombydaǵy konsýlymyz arqyly avtordyń videosyn tekserip shyqtyq. Ondaǵy málimetter durys kórsetilmegen. Omby qalasy ákimshiliginiń sáýlet jáne qala qurylysy departamenti zirat aimaǵynda qazba jumystaryna ruqsat bermegenin jetkizdi. Ol jerde qurylys jumystary da júrgizilip jatqan joq. Vedomstvonyń aqparatyna sáikes, musylmandardyń burynǵy ziraty boiymen káriz júiesiniń qubyrlaryn tartqan. Qurylys texnikasy sol úshin qoldanyldy", - dep jazdy QR Syrtqy ister ministrliginiń baspasóz xatshysy Ánýar Jainaqov óziniń paraqshasynda.
Onyń sózine qaraǵanda, Omby qalasyndaǵy Qazaqstan konsýldyǵy qala basshysynyń mindetin atqarýshy Sergei Frolovtyń atyna resmi xat joldap, osy oqiǵaǵa qatysty túsinik berýdi surady. "Bilýimshe, qazir ol jerde barlyq jumystar toqtatyldy", - dep atap kórsetti Jainaqov.
