2 maýsymda onlain formatta ombýdsmen jáne ulttyq aldyn alý tetigi qatysýshylarynyń qatysýymen respýblikalyq referendýmǵa shyǵarylatyn konstitýtsiialyq túzetýlerge bailanysty pikirtalas ótti.
Kezdesýge qatysýshylar usynylyp otyrǵan túzetýler jáne olardy iske asyrý boiynsha aldaǵy zań shyǵarý jumysy jóninde pikir almasty. Esterińizge sala keteiik, Konstitýtsiiaǵa ózgerister engizý qoldanystaǵy zańdarǵa ózgerister engizýge jáne konstitýtsiialyq sot, prokýratýra jáne Adam quqyqtary jónindegi ýákil týraly jańa úsh Konstitýtsiialyq zańnyń qabyldanýyna ákeledi.
Talqylaý barysynda quqyq qorǵaýshylar aldaǵy zań shyǵarý protsesiniń tiimdiligin qamtamasyz etý, konstitýtsiialyq túzetýlerdi iske asyrý úshin ázirlenetin zań jobalaryn keńinen talqylaý boiynsha usynystar aitty. Quqyq qorǵaýshylar jańa konstitýtsiialyq tetikterdi iske asyrý kezinde memlekettik organdar tarapynan ókilettikterdi asyra paidalanýǵa jol bermeý úshin zań jobalaryn ázirleýshiler nazar aýdarýǵa tiis negizgi tustardy belgiledi.
Kezdesýge qatysýshylar adam quqyqtary men Zań Ústemdigi salasyndaǵy odan arǵy sharalar týraly Úkimettiń qabyldanǵan ekinshi josparyna qatysty pikir almasty. Quqyq qorǵaýshylar azamattardyń konstitýtsiialyq quqyqtary men bostandyqtaryn qorǵaýdyń jańa tetigin kúsheitetin áreketter algoritmin usyndy jáne ony ázirleý men talqylaýǵa qatysýǵa daiyn ekendikterin bildirdi.
Aita keteiik, Referendým 2022 jyldyń 5 maýsymynda ótedi.
