Sýret: pm.kz
Úkimet basshysy Oljas Bektenov jylý maýsymyna daiyndyq jumystarynyń ýaqytyly júrgizilmeýine alańdatýshylyq tanytty.
«Qazir aldaǵy jylytý maýsymyna daiyndyqtyń naǵyz qyzǵan shaǵy. Jazdyń birinshi aiy da aiaqtalýǵa jaqyn. Alaida jylý obektilerindegi jóndeý merzimderiniń saqtalmaýy alańdaýshylyq týǵyzyp otyr. Mysaly, Ekibastuz jylý ortalyǵynda jóndeý jumystaryn bastaý merzimi mamyr aiynan maýsymnyń sońyna aýystyrylǵan. Temirtaýda 2-shi jylý ortalyǵyndaǵy №2-shi qazandyqty jóndeý jumystary sáýir aiynan beri bastalmai tur. Ondaǵy týrbinalardy kúrdeli jóndeý jumystary da aiaqsyz qalýy múmkin», - dedi Oljas Bektenov Úkimet otyrysynda.
Odan bólek, Premer-Ministr 13 mamyrda bastalýǵa tiis bolǵan Tarazdyń 4-shi jylý-elektr ortalyǵyndaǵy №1-shi týrbinany jóndeý jumystarynan da áli kúnge mardymdy habar joǵyn aitty. Sondai-aq, Jezqazǵandaǵy jylý-elektr ortalyǵynyń №5-shi qazandyǵyn jóndeý maýsymda ǵana bastalǵanyn synǵa aldy.
«Aita bersek, mundai mysaldar kóp. Elimizdiń barlyq óńirinen keltirýge bolady. Biyl mamyr aiynyń basynda Úkimet otyrysynda jóndeý merzimderin uzartýǵa jáne olardyń kólemin azaitýǵa bolmaitynyn tapsyrǵanmyn. Alaida operator KEGOK bekitken jóndeý jumystarynyń kestesin menshik ieleri óz betterinshe ózgertýin doǵarmai otyr. Biyldyń ózinde ǵana jóndeý jumystaryn aýystyrý boiynsha kestege 18 ret ózgeris engizilgen», - deidi ol.
