سۋرەت: pm.kz
ٷكٸمەت باسشىسى ولجاس بەكتەنوۆ جىلۋ ماۋسىمىنا دايىندىق جۇمىستارىنىڭ ۋاقىتىلى جٷرگٸزٸلمەۋٸنە الاڭداتۋشىلىق تانىتتى.
«قازٸر الداعى جىلىتۋ ماۋسىمىنا دايىندىقتىڭ ناعىز قىزعان شاعى. جازدىڭ بٸرٸنشٸ ايى دا اياقتالۋعا جاقىن. الايدا جىلۋ وبەكتٸلەرٸندەگٸ جٶندەۋ مەرزٸمدەرٸنٸڭ ساقتالماۋى الاڭداۋشىلىق تۋعىزىپ وتىر. مىسالى, ەكٸباستۇز جىلۋ ورتالىعىندا جٶندەۋ جۇمىستارىن باستاۋ مەرزٸمٸ مامىر ايىنان ماۋسىمنىڭ سوڭىنا اۋىستىرىلعان. تەمٸرتاۋدا 2-شٸ جىلۋ ورتالىعىنداعى №2-شٸ قازاندىقتى جٶندەۋ جۇمىستارى سەۋٸر ايىنان بەرٸ باستالماي تۇر. ونداعى تۋربينالاردى كٷردەلٸ جٶندەۋ جۇمىستارى دا اياقسىز قالۋى مٷمكٸن», - دەدٸ ولجاس بەكتەنوۆ ٷكٸمەت وتىرىسىندا.
ودان بٶلەك, پرەمەر-مينيستر 13 مامىردا باستالۋعا تيٸس بولعان تارازدىڭ 4-شٸ جىلۋ-ەلەكتر ورتالىعىنداعى №1-شٸ تۋربينانى جٶندەۋ جۇمىستارىنان دا ەلٸ كٷنگە ماردىمدى حابار جوعىن ايتتى. سونداي-اق, جەزقازعانداعى جىلۋ-ەلەكتر ورتالىعىنىڭ №5-شٸ قازاندىعىن جٶندەۋ ماۋسىمدا عانا باستالعانىن سىنعا الدى.
«ايتا بەرسەك, مۇنداي مىسالدار كٶپ. ەلٸمٸزدٸڭ بارلىق ٶڭٸرٸنەن كەلتٸرۋگە بولادى. بيىل مامىر ايىنىڭ باسىندا ٷكٸمەت وتىرىسىندا جٶندەۋ مەرزٸمدەرٸن ۇزارتۋعا جەنە ولاردىڭ كٶلەمٸن ازايتۋعا بولمايتىنىن تاپسىرعانمىن. الايدا وپەراتور كەگوك بەكٸتكەن جٶندەۋ جۇمىستارىنىڭ كەستەسٸن مەنشٸك يەلەرٸ ٶز بەتتەرٸنشە ٶزگەرتۋٸن دوعارماي وتىر. بيىلدىڭ ٶزٸندە عانا جٶندەۋ جۇمىستارىن اۋىستىرۋ بويىنشا كەستەگە 18 رەت ٶزگەرٸس ەنگٸزٸلگەن», - دەيدٸ ول.
