Foto: primeminister.kz
Premer-ministr EKSPO aýmaǵyndaǵy pavilon-sferaǵa baryp, Memleket basshysynyń iske asyrylýy ekonomika ósýiniń jańa kózi sanalatyn tsifrly tehnologiialardy damytý jónindegi tapsyrmalarynyń oryndalý barysymen tanysty. Oljas Bektenov Prezident Ana tili gazetine bergen baǵdarlamalyq suhbatynda ekonomikanyń ósýin qamtamasyz etý jáne azamattardyń ál-aýqatyn arttyrý boiynsha naqty mindetter qoiǵanyn atap ótti, dep habarlaidy Ult.kz.
Astana Hub bas direktory Maǵjan Mádiev jasandy intellekt ortalyǵy bolatyn biryńǵai tsifrlyq hab qurý jumystarynyń barysyna toqtaldy. Indýstrialdy eńbek naryǵynda suranysqa ie otandyq kadrlar daiarlaýǵa, sondai-aq bilim berý mazmunyn ázirleýge erekshe kóńil bólindi.
Premer-ministr JI damýynyń praktikalyq turǵydan naqty paidasyn atap ótip, tehnologiialyq sheshimderdi aýqymdy engizý birinshi kezekte qazaqstandyqtardyń ómir súrý sapasyna oń áser etýi tiis ekenin atap ótti.
«Memleket basshysy búgingi suhbatynda Úkimet aldyna ekonomikalyq ósýdi qamtamasyz etý jáne azamattardyń ál-aýqatyn arttyrý mindetin qoidy. Biz ónimdi jumys oryndaryn qurýǵa, sol arqyly elimizdiń barlyq óńirinde otbasylardy turaqty tabyspen qamtýǵa múmkindik beretin shikizattyq emes damyǵan salalary bar ózin-ózi qamtamasyz etetin ekonomikaǵa umtylýdamyz. Elimizde GovTech jáne IT salasy tabysty damyp keledi jáne ony jalǵastyrý qajet. Jalpy, tsifrly ekonomika ósýdiń mańyzdy ári serpindi núkteleriniń birine ainalýy tiis», — dep basa aitty Oljas Bektenov.
Foto: primeminister.kz
Prezident suhbatynda atap ótilgendei, Úkimettiń basym mindetteri ekonomikanyń ornyqtylyǵy men tiimdiligin qamtamasyz etý, naqty sektordy serpindi damytý, eńbek ónimdiliginiń ósýi, sapaly jumys oryndarynyń ulǵaiýy bolyp qala beredi.
Premer-ministr Úkimet Memleket basshysynyń Ana tili gazetine bergen suhbatynda aitylǵan tapsyrmalaryn oryndaý boiynsha qajetti barlyq sharalar qabyldaitynyn atap ótti.
