فوتو: primeminister.kz
پرەمەر-مينيستر ەكسپو اۋماعىنداعى پاۆيلون-سفەراعا بارىپ, مەملەكەت باسشىسىنىڭ ٸسكە اسىرىلۋى ەكونوميكا ٶسۋٸنٸڭ جاڭا كٶزٸ سانالاتىن تسيفرلى تەحنولوگييالاردى دامىتۋ جٶنٸندەگٸ تاپسىرمالارىنىڭ ورىندالۋ بارىسىمەن تانىستى. ولجاس بەكتەنوۆ پرەزيدەنت Ana tili گازەتٸنە بەرگەن باعدارلامالىق سۇحباتىندا ەكونوميكانىڭ ٶسۋٸن قامتاماسىز ەتۋ جەنە ازاماتتاردىڭ ەل-اۋقاتىن ارتتىرۋ بويىنشا ناقتى مٸندەتتەر قويعانىن اتاپ ٶتتٸ, دەپ حابارلايدى Ult.kz.
Astana Hub باس ديرەكتورى ماعجان مەديەۆ جاساندى ينتەللەكت ورتالىعى بولاتىن بٸرىڭعاي تسيفرلىق حاب قۇرۋ جۇمىستارىنىڭ بارىسىنا توقتالدى. يندۋستريالدى ەڭبەك نارىعىندا سۇرانىسقا يە وتاندىق كادرلار دايارلاۋعا, سونداي-اق بٸلٸم بەرۋ مازمۇنىن ەزٸرلەۋگە ەرەكشە كٶڭٸل بٶلٸندٸ.
پرەمەر-مينيستر جي دامۋىنىڭ پراكتيكالىق تۇرعىدان ناقتى پايداسىن اتاپ ٶتٸپ, تەحنولوگييالىق شەشٸمدەردٸ اۋقىمدى ەنگٸزۋ بٸرٸنشٸ كەزەكتە قازاقستاندىقتاردىڭ ٶمٸر سٷرۋ ساپاسىنا وڭ ەسەر ەتۋٸ تيٸس ەكەنٸن اتاپ ٶتتٸ.
«مەملەكەت باسشىسى بٷگٸنگٸ سۇحباتىندا ٷكٸمەت الدىنا ەكونوميكالىق ٶسۋدٸ قامتاماسىز ەتۋ جەنە ازاماتتاردىڭ ەل-اۋقاتىن ارتتىرۋ مٸندەتٸن قويدى. بٸز ٶنٸمدٸ جۇمىس ورىندارىن قۇرۋعا, سول ارقىلى ەلٸمٸزدٸڭ بارلىق ٶڭٸرٸندە وتباسىلاردى تۇراقتى تابىسپەن قامتۋعا مٷمكٸندٸك بەرەتٸن شيكٸزاتتىق ەمەس دامىعان سالالارى بار ٶزٸن-ٶزٸ قامتاماسىز ەتەتٸن ەكونوميكاعا ۇمتىلۋدامىز. ەلٸمٸزدە GovTech جەنە IT سالاسى تابىستى دامىپ كەلەدٸ جەنە ونى جالعاستىرۋ قاجەت. جالپى, تسيفرلى ەكونوميكا ٶسۋدٸڭ ماڭىزدى ەرٸ سەرپٸندٸ نٷكتەلەرٸنٸڭ بٸرٸنە اينالۋى تيٸس», — دەپ باسا ايتتى ولجاس بەكتەنوۆ.
فوتو: primeminister.kz
پرەزيدەنت سۇحباتىندا اتاپ ٶتٸلگەندەي, ٷكٸمەتتٸڭ باسىم مٸندەتتەرٸ ەكونوميكانىڭ ورنىقتىلىعى مەن تيٸمدٸلٸگٸن قامتاماسىز ەتۋ, ناقتى سەكتوردى سەرپٸندٸ دامىتۋ, ەڭبەك ٶنٸمدٸلٸگٸنٸڭ ٶسۋٸ, ساپالى جۇمىس ورىندارىنىڭ ۇلعايۋى بولىپ قالا بەرەدٸ.
پرەمەر-مينيستر ٷكٸمەت مەملەكەت باسشىسىنىڭ Ana tili گازەتٸنە بەرگەن سۇحباتىندا ايتىلعان تاپسىرمالارىن ورىنداۋ بويىنشا قاجەتتٸ بارلىق شارالار قابىلدايتىنىن اتاپ ٶتتٸ.
