Foto: Úkimet
Qazaqstan Respýblikasynyń Premer-ministri Oljas Bektenov Memleket basshysynyń jasandy intellektini damytý jónindegi tapsyrmalaryn oryndaý maqsatynda Tsifrlyq shtabtyń kezekti otyrysyn ótkizdi, dep habarlaidy Ult.kz.
Jiynda tórt másele qaralyp, QR Tsifrlyq damý, innovatsiialar jáne aeroǵarysh ónerkásibi ministri Jaslan Mádiev baiandama jasady.
Tsifrlyq shtab sheshimderi boiynsha:
-
memlekettik organdardyń aqparattyq júielerin integratsiialaýdyń keshendi jospary bekitildi;
-
jasandy intellekt derekter massivterimen jumys isteý erejesi men ony júzege asyrý jospary qabyldandy;
-
Smart Data Ukimet platformasyna memlekettik derekterdi biriktirýdiń merzimderi naqtylandy (integratsiia – 1 qyrkúiekke deiin, barlyq derekterdi kóshirý – 1 jeltoqsanǵa deiin);
-
15 qyrkúiekke deiin memlekettik qyzmetkerlerdiń AITU ulttyq messendjerine tolyq kóshýi belgilendi.
Premer-ministr qabyldanǵan qujattardyń sapaly ári ýaqtyly oryndalýynyń mańyzdylyǵyn atap ótti:
«Memleket basshysy Qazaqstandy Eýraziiadaǵy tsifrlyq habqa ainaldyrýdy maqsat etip otyr. Búgingi sheshimder aqparattyq qaýipsizdikti kúsheitýge jáne memlekettik apparattyń tiimdiligin arttyrýǵa baǵyttalǵan», — dedi Oljas Bektenov.
Aqparattyq júielerdi integratsiialaý aiasynda 224 jańa quramdas alań qurylady. Bul eńbek shyǵyndaryn azaityp, qaitalanatyn júielerdi qysqartýǵa múmkindik beredi. Qazirgi tańda «elektrondyq úkimet» sheńberinde 355-ten astam memlekettik jáne kvazimemlekettik aqparattyq júieler jumys istep tur.
Jasandy intellekt salasynda derekter qoryn qalyptastyrýǵa baǵyttalǵan biryńǵai standarttar engiziledi.
AITU ulttyq messendjeri pilottyq rejimde synaqtan ótti, endi ol barlyq memlekettik organǵa taratylady.
