Foto: Ukimet
Premer-ministri Oljas Bektenov vitse-premer – ulttyq ekonomika ministri Serik Jumanǵarin jáne Qarjy ministri Mádi Takievpen jumys keńesin ótkizdi, dep habarlaidy Ult.kz.
Qarjy ministri Mádi Takievtiń aitýynsha, josyqsyz salyq tóleýshiler shaǵyn kásipkerlikti qoldaý jáne damytý maqsatynda buryn engizilgen arnaiy salyq rejimderin paidalanady.
Búginde elimizde 2,3 mln salyq tóleýshi tirkelgen. Onyń 8%-y nemese 137 myńy ǵana – QQS tóleýshiler. Qalǵany 81%-y ońailatylǵan deklaratsiiany paidalanyp arnaiy salyq rejiminde jumys isteidi. Al olardyń 85%-y 15 mln teńgege deiingi kiristi kórsetedi.
«Taldaý kórsetkendei, mundai rejimder arasyndaǵy ózara esep aiyrysý ótken jyly 2 esege – 5 trln-nan 10 trln teńgege deiin ósti. Bul rette arnaiy salyq rejimderi boiynsha 16 trln teńgeniń jalpy ainalymynan jalpyǵa birdei belgilengen rejimmen ózara esep aiyrysý 10 trln teńgeni quraidy. Iaǵni júzdegen milliard teńge tabys taýyp, salyq tóleýshiler az ǵana salyq tóleidi», - dedi Mádi Takiev.
Ol birneshe mysal keltirip, osyǵan qarsy kúres sharalaryn usyndy:
- - biznestiń bólshektenýiniń zańnamalyq kriteriiin engizý;
- - nysannyń salyq daýlary máninen basym bolý printsipin engizý;
- - mundai faktilerdi baqylaý jáne dáleldeý ádisterin engizý;
- - jeke kásipkerler úshin qyzmet túrlerin shekteý.
«Búgin-erteń salyq organdarynan qosymsha salyqty tóleý týraly habarlama kelip túsedi. Barlyǵynan eki apta ishinde salyq organdaryna qosymsha salyq deklaratsiiasyn tapsyrýdy jáne ádiletti salyq somasyn tóleýdi suraimyn», - dedi Premer-ministr.
Eger bul oryndalmasa, onda memleket fiskaldyq jáne quqyq qorǵaý organdaryn qosqanda, memleket ieligindegi barlyq resýrstardy qoldaný quqyǵyn ózine qaldyrady.
«Talap qatań bolady, biraq eger biznes memleket aldyndaǵy mindettemesin ádiletti túrde oryndasa biz dialog qurýǵa daiynbyz», - dedi Oljas Bektenov.
