فوتو: Ukimet
پرەمەر-مينيسترٸ ولجاس بەكتەنوۆ ۆيتسە-پرەمەر – ۇلتتىق ەكونوميكا مينيسترٸ سەرٸك جۇمانعارين جەنە قارجى مينيسترٸ مەدي تاكيەۆپەن جۇمىس كەڭەسٸن ٶتكٸزدٸ, دەپ حابارلايدى Ult.kz.
قارجى مينيسترٸ مەدي تاكيەۆتٸڭ ايتۋىنشا, جوسىقسىز سالىق تٶلەۋشٸلەر شاعىن كەسٸپكەرلٸكتٸ قولداۋ جەنە دامىتۋ ماقساتىندا بۇرىن ەنگٸزٸلگەن ارنايى سالىق رەجيمدەرٸن پايدالانادى.
بٷگٸندە ەلٸمٸزدە 2,3 ملن سالىق تٶلەۋشٸ تٸركەلگەن. ونىڭ 8%-ى نەمەسە 137 مىڭى عانا – ققس تٶلەۋشٸلەر. قالعانى 81%-ى وڭايلاتىلعان دەكلاراتسييانى پايدالانىپ ارنايى سالىق رەجيمٸندە جۇمىس ٸستەيدٸ. ال ولاردىڭ 85%-ى 15 ملن تەڭگەگە دەيٸنگٸ كٸرٸستٸ كٶرسەتەدٸ.
«تالداۋ كٶرسەتكەندەي, مۇنداي رەجيمدەر اراسىنداعى ٶزارا ەسەپ ايىرىسۋ ٶتكەن جىلى 2 ەسەگە – 5 ترلن-نان 10 ترلن تەڭگەگە دەيٸن ٶستٸ. بۇل رەتتە ارنايى سالىق رەجيمدەرٸ بويىنشا 16 ترلن تەڭگەنٸڭ جالپى اينالىمىنان جالپىعا بٸردەي بەلگٸلەنگەن رەجيممەن ٶزارا ەسەپ ايىرىسۋ 10 ترلن تەڭگەنٸ قۇرايدى. ياعني جٷزدەگەن ميلليارد تەڭگە تابىس تاۋىپ, سالىق تٶلەۋشٸلەر از عانا سالىق تٶلەيدٸ», - دەدٸ مەدي تاكيەۆ.
ول بٸرنەشە مىسال كەلتٸرٸپ, وسىعان قارسى كٷرەس شارالارىن ۇسىندى:
- - بيزنەستٸڭ بٶلشەكتەنۋٸنٸڭ زاڭنامالىق كريتەرييٸن ەنگٸزۋ;
- - نىساننىڭ سالىق داۋلارى مەنٸنەن باسىم بولۋ پرينتسيپٸن ەنگٸزۋ;
- - مۇنداي فاكتٸلەردٸ باقىلاۋ جەنە دەلەلدەۋ ەدٸستەرٸن ەنگٸزۋ;
- - جەكە كەسٸپكەرلەر ٷشٸن قىزمەت تٷرلەرٸن شەكتەۋ.
«بٷگٸن-ەرتەڭ سالىق ورگاندارىنان قوسىمشا سالىقتى تٶلەۋ تۋرالى حابارلاما كەلٸپ تٷسەدٸ. بارلىعىنان ەكٸ اپتا ٸشٸندە سالىق ورگاندارىنا قوسىمشا سالىق دەكلاراتسيياسىن تاپسىرۋدى جەنە ەدٸلەتتٸ سالىق سوماسىن تٶلەۋدٸ سۇرايمىن», - دەدٸ پرەمەر-مينيستر.
ەگەر بۇل ورىندالماسا, وندا مەملەكەت فيسكالدىق جەنە قۇقىق قورعاۋ ورگاندارىن قوسقاندا, مەملەكەت يەلٸگٸندەگٸ بارلىق رەسۋرستاردى قولدانۋ قۇقىعىن ٶزٸنە قالدىرادى.
«تالاپ قاتاڭ بولادى, بٸراق ەگەر بيزنەس مەملەكەت الدىنداعى مٸندەتتەمەسٸن ەدٸلەتتٸ تٷردە ورىنداسا بٸز ديالوگ قۇرۋعا دايىنبىز», - دەدٸ ولجاس بەكتەنوۆ.
