Foto:primeminister.kz
Úkimetaralyq komissiia otyrysyna qatysý úshin Qazaqstanǵa jumys saparymen kelgen Ózbekstan Premer-Ministri Abdýlla Aripov Almatydaǵy birqatar nysandy aralady, -dep habarlaidy "Ult Aqparat" Premer-Ministrdiń baspasóz qyzmetine silteme jasap.
Qazaqstan Úkimet basshysy Oljas Bektenov pen Ózbekstan Premer-Ministri Abdýlla Aripov Qaladaǵy qoǵamdyq kólikti dispetcherlik basqarý ortalyǵyna bardy. Ózbekstan Premer-Ministrine qazaqstandyq tsifrlyq sheshimder tanystyryldy.
Almaty qalasy kólik holdinginiń ókili Sadir Hamraev ONAY elektrondy bilet satý júiesin tanystyrdy. Búginde megapolis pen aglomeratsiia halqy 3 mln-nan asady, onyń ishinde 1,7 mln jolaýshy qoǵamdyq kólikpen jylyna shamamen 444 mln ret qatynaidy. 3 507 aialdama, 222 burylys alańy tsifrlandyryldy. Dispetcherler 3 myńnan astam avtobýs pen trolleibýstyń jumysyn táýlik boiy qamtamasyz etedi.
Qoǵamdyq kólikte qolma-qol aqshasyz tólem júiesin engizý tasymaldaýshylardyń kirisin kóleńkeli ekonomikadan shyǵarýǵa múmkindik berdi. 2016 jyly jol júrý aqysyna elektrondy tólem jasaý júiesi engizilgeli beri jolaýshylar tasymaly naryǵynyń kólemi 3,2 esege deiin – 31,8 mlrd teńgege artty.
Aita ketý kerek, Almaty turǵyndarynyń áleýmettik kartasyn ázirleý jobasy aiasynda 15 derbestendirilgen karta túri arqyly jeńildikpen jol júrý quqyǵy bar azamattardyń sanattary tsifrlandyryldy.
Sonymen qatar qoǵamdyq kóliktiń ortasha paidalaný merzimin 2016 jylǵy 13 jyldan 2023 jyldan bastap 3 jylǵa deiin qysqartý jáne jyljymaly quramdy jańartý boiynsha Qazaqstan tájiribesi usynyldy. Bul rette jyljymaly quramnyń sany artyp keledi. Biyl ortasha paidalaný merzimi 2,5 jyldan aspaityn avtobýstar sanyn 4 myń birlikke deiin jetkizý josparlanyp otyr.
Sondai-aq qaýipsizdikti qamtamasyz etý sharalaryna nazar aýdaryldy. Metro stansalary men aialdamalardaǵy beinekameralardyń jazbalaryn kórýge bolatyn Almaty qalasynyń Biryńǵai beinebaqylaý júiesi tanystyryldy.
Foto:primeminister.kz
Jumys sapary barysynda taraptar biyl naýryz aiynda ashylǵan Yandex Qazaqstan kompaniiasynyń jańa keńsesine bardy. Bul – búginde Iandekstiń Ortalyq Aziiadaǵy eń úlken keńsesi. Kásiporyn belsendi túrde lokalizatsiialanýda. Qazirgi ýaqytta Qazaqstanda 750-den astam qyzmetker jumys isteidi.
Úkimet basshylaryna qazaqstandyq paidalanýshylar men biznes-sektordyń qajettilikterine sáikes beiimdelgen izdeý júieleri, kartalar, kólik servisteri sekildi qyzmet túrleri tanystyryldy. Yandex halyqaralyq IT kompaniiasy jiyntyqty tehnologiialarǵa, qazaq tilinde sóileý sintezine, internetten aqparat izdeý men jasandy intellektini damytýǵa investitsiia salady. Sondai-aq «Alisamen» qazaq tilindegi interaktivti áńgime tanystyryldy.
Qazaq tilinde qoiylǵan suraqtardyń 68%-y bilim berý máselesine baǵyttalǵany atap ótildi. Osyǵan bailanysty byltyr Qazaqstan jastaryna qoljetimdi bolýy úshin 15 mln maqala memlekettik tilge aýdaryldy.
Buǵan qosa, taksidegi baǵa algoritmine erekshe nazar aýdaryldy.
Lumiere Hall jańa media salasyndaǵy mádeni-bilim berý ortalyǵynyń mysalynda kreativti indýstriiany damytý máselesi talqylandy. Mýltimediialyq mýzei – ǵylym, tehnologiia jáne óner salalarynyń toǵysqan jobasy.
Lumiere Hall mýltimediialyq mýzeiiniń quryltaishysy Polina Egarmin kórmede sirek kezdesetin kartinalar, sonyń ishinde Salvador Dalidiń túpnusqadaǵy jumystary, sondai-aq mýzeidiń basqa da bilim beretin jáne mádeni bastamalary, kelýshilerge tiisti atmosfera quryp, óner álemine saiahat jasaýǵa múmkindik beretin tehnologiialar kópshilikke usynylǵanyn aitty. Mýzei eksponattaryn tsifrlandyrý mádeni murany jurtshylyqqa barynsha qoljetimdi etedi.
