Foto: Úkimet
Oljas Bektenov birinshi Halyqaralyq ekologiialyq konferentsiiada sóz sóileý kezinde Kaspii teńiziniń taiazdaný problemasyn aimaqtyń negizgi syn-qaterleriniń biri retinde atap ótti, dep habarlaidy Ult.kz.
Kaspii teńizi deńgeiiniń tómendeýine nazar aýdartylyp, Kaspii mańy memleketteri arasyndaǵy aimaqtyq ózara is-qimyldy jandandyrý qajettigin aitty.
«2000-shy jyldardyń basynan beri Kaspii teńizi deńgeiiniń tómendeý úrdisi baiqalady. Osy jáne ózge de problemalardy zertteý úshin Kaspii teńizi Qazaq ǵylymi-zertteý institýty quryldy. Ǵalymdardyń boljamdary kóńil kónshitpeidi. Osynaý biregei sý aidynyn saqtap qalý úshin barlyq Kaspii mańy memleketteriniń batyl úilestirilgen is-qimyly qajet», — dedi Premer-ministr.
Sý taqyrybyna qatysty sóilegen sózinde Oljas Bektenov Aral mańyndaǵy jaǵdaiǵa da nazar aýdardy. Búginde Qazaqstan Halyqaralyq Araldy qutqarý qoryn basqarady. Elimizde ony qalpyna keltirý jumystary júrgizilýde, Kókaral bógeti nyǵaitylýda, Syrdariia saǵasy qaita qalpyna keltirilýde, balyq salasyn qoldaý jáne burynǵy teńizdiń keýip qalǵan túbin kógaldandyrý boiynsha jobalar iske asyrylýda.
Premer-ministr, sondai-aq, muzdyqtardy saqtaýǵa baǵyttalǵan jumystardyń da mańyzdylyǵyn atap ótti. Sarapshylardyń boljamynsha, 2100 jylǵa qarai Ortalyq Aziia muzdyqtarynyń kólemi aitarlyqtai kishireiedi. Osyǵan bailanysty Qazaqstan Prezidentiniń bastamasymen Er-Riiad sammitinde muzdyqtardy zertteý jáne qorǵaý boiynsha kúsh-jigerdi biriktiretin «Sý munaralary seriktestigin» qurý usynyldy. Almatyda IýNESKO qamqorlyǵymen qurylyp, óńirlik zertteýlerdiń jetekshi platformasyna ainalǵan Ortalyq Aziialyq óńirlik gliatsiologiialyq ortalyq jumys istep tur.
Bul rette Qazaqstannyń sý qoimalaryn retteýden bastap sýdy esepke alýdy avtomattandyrýǵa deiingi birlesken gidrotehnikalyq jobalardy iske asyrýǵa daiyn ekendigi atap ótildi. Premer-ministr forým ótip jatqan orynnyń simvoldyq mánine de nazar aýdartty. Altai ólkesi - túrki órkenietiniń besigi, ári mádeni-gýmanitarlyq ózara áriptestiktiń mańyzdy elementi.
Plenarlyq otyrysqa Resei Federatsiiasy Úkimetiniń tóraǵasy Mihail Mishýstin, Armeniia Premer-ministri Nikol Pashinian, Belarýs Premer-ministri Aleksandr Týrchin, Qyrǵyzstan Premer-ministri Adylbek Kasymaliev, Tájikstan Premer-ministri Kohir Rasýlzoda, Ózbekstan Premer-ministri Abdýlla Aripov, sondai-aq Túrikmenstan Ministrler kabineti tóraǵasynyń orynbasary Nokergýly Atagýlyev qatysty. Jiynda Kaspiidiń taiazdanýy, muzdyqtardyń erýi jáne bioalýantúrlilikti saqtaý máselelerimen qatar qorshaǵan ortany qorǵaý salasynda zamanaýi tehnologiialardy qoldaný, sý resýrstaryn basqarýǵa innovatsiialyq sheshimderdi engizý jáne transshekaralyq ekotýrizmdi damytý jaiy talqylandy.
