Foto: primeminister.kz
Premer-ministr Pavlodar oblysyna jumys sapary barysynda Prezidenttiń energetika salasyna qatysty tapsyrmalarynyń oryndalý barysyn tekserdi, dep habarlaidy Ult.kz.
Oljas Bektenov Ekibastuzda GRES-1-di jańǵyrtý nátijelerimen, taza kómir tehnologiiasyn paidalana otyryp, GRES-2-ni rekonstrýktsiialaý jáne GRES-3 stansasy qurylysy jobalaryn júzege asyrýdyń bastalýymen tanysty. Munda ekonomikanyń ósip kele jatqan qajettilikteri, jańa óndiris oryndaryn iske qosý jáne belsendi tsifrlandyrý aiasynda salany damytý máseleleri boiynsha respýblikalyq keńes ótti.
Bolat Nurjanov atyndaǵy GRES-1 jáne GRES-2 quramyna kiretin Ekibastuz energiia toraby nysandarynyń jalpy belgilengen qýaty 5 myń MVt-qa jetedi, bul Ekibastuzdy elektr energiiasyn óndirýde strategiialyq mańyzdy ortalyqqa ainaldyrady. Jalpy, Pavlodar oblysy respýblikadaǵy elektr energiiasynyń 40%-dan astamyn óndiredi. GRES-1-di jańǵyrtý aiasynda ótken jyldyń jeltoqsan aiynda qýaty 540 MVt bolatyn №1 energoblok qalpyna keltirilip, paidalanýǵa berildi. 2026-2028 jyldary otynmen qamtamasyz etý júielerin rekonstrýktsiialaý jáne jańa tútin murjasyn salý josparlanyp otyr. Sonymen qatar protsesterdi avtomattandyrý, shyǵaryndylardy baqylaý jáne qandai da bir oqys oqiǵalardyń aldyn alý boiynsha baiandama jasaldy.
Premer-ministr Oljas Bektenovtiń tóraǵalyǵymen ótken energetikany damytý máseleleri jónindegi respýblikalyq keńeste salanyń negizgi baǵyttary, onyń ishinde jańa qýat kózderin iske qosý, infraqurylymdy jańǵyrtý, Batys aimaqtyń elektr jelilerin elimizdiń Biryńǵai elektr energetikalyq júiesimen biriktirý, energiia tiimdiligin arttyrý jáne basqa da máseleler qaraldy. Energetika ministri Erlan Aqkenjenov, ónerkásip jáne qurylys ministri Ersaiyn Naǵaspaev, «Samuryq-Energo» AQ jáne «KEGOC» AQ kompaniialary basshylyǵy, sondai-aq birqatar óńir ákimderi baiandama jasady.
Foto: primeminister.kz
Qazaqstanda 227 elektr stansasy jumys isteidi. Stansa jabdyqtarynyń ortasha tozý deńgeii 56%-ǵa jetedi. Ótken jyldyń qorytyndysy boiynsha elektr energiiasyn óndirý kólemi 4%-ǵa ósti. Jańa qýat kózderin iske qosý qoldanystaǵy stansalardy jańǵyrtý jáne jańa generatsiialaityn qondyrǵylar salý esebinen boljanýda. Energetika ministri Erlan Aqkenjenov ótken jyly 771 MVt jańa qýat kózi, onyń ishinde Ekibastuz GRES-1-degi №1 blok qalpyna keltirilgenin, Atyraý JEO-daǵy №6 týrbina, Jezqazǵan qalasyndaǵy JEO-da №8 qazandyq aýystyrylǵanyn, sondai-aq jalpy qýaty 163 MVt balamaly energetika jobalary iske qosylǵanyn aitty. Generatsiialaityn qondyrǵylardy jańǵyrtýǵa, keńeitýge, rekonstrýktsiialaýǵa jáne jańartý boiynsha jalpy qýaty shamamen 2 GVt bolatyn 14 investitsiialyq kelisim jasaldy. Biyl 621 MVt, 2026 jyly – 2,6 GVt iske qosý josparlanǵan. Ekonomikanyń elektr energiiasyna degen qajettiligin óteý úshin 2029 jylǵa deiin 68 joba júzege asyrylady. Jalpy, 2035 jylǵa deiin jalpy qýaty 4,2 GVt qoldanystaǵy stansalardy jańǵyrtý, rekonstrýktsiialaý jáne keńeitý josparlanyp otyr.
Sonymen qatar Aqtóbe, Batys, Sarybai júiearalyq elektr jelileri KEGOC filialdarynyń 220-500 kV áýe jelisin rekonstrýktsiialaý jobasy aiaqtaldy, onyń sheńberinde normativtik paidalaný merzimine jetken jalpy uzyndyǵy 2 myń shaqyrymdy quraityn qoldanystaǵy 24 elektr berý jelisine jóndeý júrgizildi. Sondai-aq Almaty JEO-2 jáne JEO-3-ti jańǵyrtý jumystarynyń barysy týraly aityldy.
Foto: primeminister.kz
Ónerkásip jáne qurylys ministri Ersaiyn Naǵaspaev elimizdiń iri kásiporyndarymen ekonomikanyń energiia syiymdylyǵyn jáne energiia tutynýdy tómendetý boiynsha júrgizilip jatqan jumystar týraly baiandady. Iske asyrylǵan birqatar joba ataldy. «KarTsement» kásipornyndaǵy sorǵy jabdyqtaryn jańǵyrtý elektr energiiasynyń úlestik shyǵynyn 15,4%-ǵa tómendetýge múmkindik berdi. Qazaqstan elektroliz zaýyty elektrolizerler men oqshaýlanǵan elektr qazandyqtaryn kúrdeli jóndeýden ótkizip, elektr energiiasyn tutynýdy 4,5%-ǵa azaitty. Aqtóbe mys kompaniiasy gaz porshendi qondyrǵylar jumysyn ońtailandyrý jáne otyn qospasyn berýdi retteý arqyly elektr energiiasynyń shyǵynyn 2%-ǵa qysqartty. Sondai-aq biýdjettik sektordyń energiia tutynýyna monitoring júrgizilýde. Tsifrlandyrý sheńberinde Memlekettik energetikalyq tizilim energiia únemdeý salasyndaǵy Biryńǵai aqparattyq júiege transformatsiialanýda.
«Prezident energetikany ózin-ózi qamtamasyz etetin ári básekege qabiletti el qurýdyń negizgi baǵyttarynyń biri retinde atady. Bul tabysty tsifrlandyrý men jasandy intellektini keńinen engizý – oǵan tikelei táýeldi bolatyn jańa álemdegi turaqty ilgerileýdiń negizgi faktory. Bul jerde Memleket basshysy atap ótkendei, Qazaqstanda orasan zor múmkindikter bar. Sonymen qatar josparlanǵan jobalardyń ýaqtyly oryndalmaýy ekonomikanyń damýyn tejeidi. Mundai jaǵdaiǵa jol berýge bolmaidy. Biz belsendi túrde jumys isteýimiz kerek. Birqatar iri joba qazirdiń ózinde elektr qýatyn qajet etip otyr», — dedi Oljas Bektenov.
Mańyzdy jobalar qatarynda Semei, Óskemen jáne Kókshetaý qalalarynda zamanaýi kómir stantsiialaryn iske qosý, Ekibastuz qalasyndaǵy zamanaýi GRES-3 stansasynyń qurylysy atap ótildi.
Keńes sońynda birqatar tapsyrma berildi. Biyl KEGOC Batys aimaqtyń elektr jelilerin BEJ-ben biriktirý boiynsha qurylys-montajdaý jumystaryn bastaýy qajet, jumys 2027 jyly aiaqtalýy tiis. Atalǵan joba tutynýshylardy elektrmen jabdyqtaý senimdiligin arttyrady. Premer-ministr kómir himiiasy salasyn damytýǵa basa nazar aýdaryp, joǵary óńdelgen ónimder óndirý úshin kómirdi qaita óńdeýdiń innovatsiialyq tehnologiialaryn belsendi paidalanýdy tapsyrdy.
Foto: primeminister.kz
