Foto: Úkimettiń baspasóz qyzmeti
Qazaqstan Respýblikasynyń Premer-ministri Oljas Bektenovtiń basshylyǵymen aktivterdi qaitarý máseleleri boiynsha komissiianyń kezekti otyrysy ótti, dep habarlaidy Ult.kz.
Bul jiynda zańsyz iemdenilgen aktivterdi memleketke qaitarý týraly Zań aiasynda jalpy somasy 525 milliard teńgeden asatyn qarajatty memleket paidasyna aýdarý jáne ony áleýmettik jobalardy qarjylandyrý úshin paidalaný jónindegi kelisimder maquldandy.
Memleketke qaitarylǵan qarajat arnaiy memlekettik qorǵa aýdarylyp qana qoimai, atalǵan qarjy esebinen birqatar mańyzdy áleýmettik nysandardyń qurylysy bastaldy.
Bul jobalar qatarynda:
- - Arqalyq qalasynda daryndy sportshy balalarǵa arnalǵan 120 oryndyq sport kesheniniń qurylysy;
- - Astanada tirek-qimyl apparaty buzylǵan balalarǵa arnalǵan ońaltý ortalyǵy;
- - Almatyda erekshe qajettiligi bar adamdarǵa arnalǵan 400 oryndyq jattyǵý ortalyǵynyń qurylysyn qarjylandyrý josparlanǵan.
Premer-ministrdiń aitýynsha, qaitarylǵan barlyq qarajat halyqtyń igiligi úshin jumsalýy tiis, jáne biylǵy jyly Komissiia qaitarylǵan aktivter boiynsha jalpy somasy 900 milliard teńgeden asatyn jobalardy maquldady. Bul qarajat arqyly Qazaqstannyń ár óńirinde áleýmettik infraqurylym obektileri salynýda.
Buǵan deiin Prezident tapsyrmasymen arnaiy qordan bólingen qarajat esebinen Aqmola oblysy Zerendi aýylynda sport kesheni men Túrkistan oblysy Temirlan aýylynda mýzyka mektebi salynǵan bolatyn.
Komissiianyń jumysy jalǵasýda, aldaǵy ýaqytta da qaitarylǵan aktivterdi áleýmettik jobalarǵa baǵyttaý josparlanyp otyr.
