فوتو: ٷكٸمەتتٸڭ باسپاسٶز قىزمەتٸ
قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆتٸڭ باسشىلىعىمەن اكتيۆتەردٸ قايتارۋ مەسەلەلەرٸ بويىنشا كوميسسييانىڭ كەزەكتٸ وتىرىسى ٶتتٸ, دەپ حابارلايدى Ult.kz.
بۇل جيىندا زاڭسىز يەمدەنٸلگەن اكتيۆتەردٸ مەملەكەتكە قايتارۋ تۋرالى زاڭ اياسىندا جالپى سوماسى 525 ميلليارد تەڭگەدەن اساتىن قاراجاتتى مەملەكەت پايداسىنا اۋدارۋ جەنە ونى ەلەۋمەتتٸك جوبالاردى قارجىلاندىرۋ ٷشٸن پايدالانۋ جٶنٸندەگٸ كەلٸسٸمدەر ماقۇلداندى.
مەملەكەتكە قايتارىلعان قاراجات ارنايى مەملەكەتتٸك قورعا اۋدارىلىپ قانا قويماي, اتالعان قارجى ەسەبٸنەن بٸرقاتار ماڭىزدى ەلەۋمەتتٸك نىسانداردىڭ قۇرىلىسى باستالدى.
بۇل جوبالار قاتارىندا:
- - ارقالىق قالاسىندا دارىندى سپورتشى بالالارعا ارنالعان 120 ورىندىق سپورت كەشەنٸنٸڭ قۇرىلىسى;
- - استانادا تٸرەك-قيمىل اپپاراتى بۇزىلعان بالالارعا ارنالعان وڭالتۋ ورتالىعى;
- - الماتىدا ەرەكشە قاجەتتٸلٸگٸ بار ادامدارعا ارنالعان 400 ورىندىق جاتتىعۋ ورتالىعىنىڭ قۇرىلىسىن قارجىلاندىرۋ جوسپارلانعان.
پرەمەر-مينيستردٸڭ ايتۋىنشا, قايتارىلعان بارلىق قاراجات حالىقتىڭ يگٸلٸگٸ ٷشٸن جۇمسالۋى تيٸس, جەنە بيىلعى جىلى كوميسسييا قايتارىلعان اكتيۆتەر بويىنشا جالپى سوماسى 900 ميلليارد تەڭگەدەن اساتىن جوبالاردى ماقۇلدادى. بۇل قاراجات ارقىلى قازاقستاننىڭ ەر ٶڭٸرٸندە ەلەۋمەتتٸك ينفراقۇرىلىم وبەكتٸلەرٸ سالىنۋدا.
بۇعان دەيٸن پرەزيدەنت تاپسىرماسىمەن ارنايى قوردان بٶلٸنگەن قاراجات ەسەبٸنەن اقمولا وبلىسى زەرەندٸ اۋىلىندا سپورت كەشەنٸ مەن تٷركٸستان وبلىسى تەمٸرلان اۋىلىندا مۋزىكا مەكتەبٸ سالىنعان بولاتىن.
كوميسسييانىڭ جۇمىسى جالعاسۋدا, الداعى ۋاقىتتا دا قايتارىلعان اكتيۆتەردٸ ەلەۋمەتتٸك جوبالارعا باعىتتاۋ جوسپارلانىپ وتىر.
