Foto:primeminister.kz
Premer-Ministr Oljas Bektenov Abai oblysyna jumys sapary aiasynda «Eikos» rezeńke tehnikalyq buiymdar shyǵarý jáne qaita óńdeý kásipornynda bolyp, onda qaldyqtardy qaita óńdeý júiesin damytý barysymen tanysty, -dep habarlaidy "Ult Aqparat" QR Premer-ministriniń resmi aqparat resýrsyna silteme jasap.
Kompaniia ótkizilgen ónim kólemi boiynsha elimizde jetekshi orynǵa ie. Sonymen qatar kásiporyn Qazaqstannyń úzdik 50 iri jeke salyq tóleýshileriniń qataryna kiredi. 2023 jyly shamamen 1,5 mln shina satylyp, biýdjetke 9,5 mlrd teńgeden astam qarjy tólendi.
Úkimet basshysyna qoldanystaǵy kásiporyn bazasynda daiyn ónim shyǵaratyn avtokólikterdi qoldaný kezinde paida bolatyn qaldyqtardy qaita óńdeý keshenin salý jospary týraly baiandaldy. Qaita óńdeý nátijesinde qaýipsiz jabyndar, termoplastika, sym jáne t. b. alýǵa bolady. Jobalyq ónimdilik táýligine 50 tonnaǵa: onyń ishinde táýligine 10 tonna shinany termiialyq óńdeýge jáne 40 tonna mehanikalyq óńdeýge jetedi. Termiialyq óńdeý nátijesinde daiyn ónim basqa óndiristik protsester úshin shikizat bola alatyn otyn, tehnikalyq kómirtegi jáne joǵary legirlengen bolattan turady. Mehanikalyq jaǵdaida – avtoshinalar, júgirý joldary men oiyn alańdaryna arnalǵan jabyndar jasaýǵa jaramdy 4 fraktsiiadan turatyn úgindiler shyǵarylady. Jobanyń jalpy quny – 2,5 mlrd teńge. Iske asyrý nátijesinde 150 jańa turaqty jumys orny ashylady.
Foto:primeminister.kz
Oljas Bektenov atap ótkendei, búginde Qazaqstanda 10 kompaniia qaldyqtardy jinaý jáne qaita óńdeýdiń ózindik júiesin paidalanady. Olardyń basym bóligi shinalardy importtaityn jáne qaita óńdeitin kásiporyndar. Úkimet basshysy bul bastamany qoldaitynyn aityp, Ekologiia jáne tabiǵi resýrstar ministrligine múddeli uiymdarmen birlesip, atalǵan máseleni jan-jaqty qarastyrýdy tapsyrdy.
«Taza Qazaqstan» aktsiiasy aiasynda kásiporynnyń avtoshinalardy kádege jaratý men qaita óńdeýdiń tolyq tsikline ótýge degen umtylysy turǵyndar arasynda ekologiialyq mádenietti qalyptastyrýǵa oń áserin tigizýi múmkin. Memleket basshysy qaldyqtar máselesin sheshý qajettigin atap ótti. Mundai bastamalardy qoldaý – mańyzdy. Mádenietimizdi arttyrý qajet, qaita óńdeý kólemi tutyný qarqynyna sáikes bolýy kerek. Biz ornyqty damý maqsattaryna umtylamyz, al ekologiia – negizgi quramdas bólikterdiń biri», — dep atap ótti Oljas Bektenov.
