فوتو:primeminister.kz
پرەمەر-مينيستر ولجاس بەكتەنوۆ اباي وبلىسىنا جۇمىس ساپارى اياسىندا «ەيكوس» رەزەڭكە تەحنيكالىق بۇيىمدار شىعارۋ جەنە قايتا ٶڭدەۋ كەسٸپورنىندا بولىپ, وندا قالدىقتاردى قايتا ٶڭدەۋ جٷيەسٸن دامىتۋ بارىسىمەن تانىستى, -دەپ حابارلايدى "ۇلت اقپارات" قر پرەمەر-مينيسترٸنٸڭ رەسمي اقپارات رەسۋرسىنا سٸلتەمە جاساپ.
كومپانييا ٶتكٸزٸلگەن ٶنٸم كٶلەمٸ بويىنشا ەلٸمٸزدە جەتەكشٸ ورىنعا يە. سونىمەن قاتار كەسٸپورىن قازاقستاننىڭ ٷزدٸك 50 ٸرٸ جەكە سالىق تٶلەۋشٸلەرٸنٸڭ قاتارىنا كٸرەدٸ. 2023 جىلى شامامەن 1,5 ملن شينا ساتىلىپ, بيۋدجەتكە 9,5 ملرد تەڭگەدەن استام قارجى تٶلەندٸ.
ٷكٸمەت باسشىسىنا قولدانىستاعى كەسٸپورىن بازاسىندا دايىن ٶنٸم شىعاراتىن اۆتوكٶلٸكتەردٸ قولدانۋ كەزٸندە پايدا بولاتىن قالدىقتاردى قايتا ٶڭدەۋ كەشەنٸن سالۋ جوسپارى تۋرالى باياندالدى. قايتا ٶڭدەۋ نەتيجەسٸندە قاۋٸپسٸز جابىندار, تەرموپلاستيكا, سىم جەنە ت. ب. الۋعا بولادى. جوبالىق ٶنٸمدٸلٸك تەۋلٸگٸنە 50 تونناعا: ونىڭ ٸشٸندە تەۋلٸگٸنە 10 توننا شينانى تەرمييالىق ٶڭدەۋگە جەنە 40 توننا مەحانيكالىق ٶڭدەۋگە جەتەدٸ. تەرمييالىق ٶڭدەۋ نەتيجەسٸندە دايىن ٶنٸم باسقا ٶندٸرٸستٸك پروتسەستەر ٷشٸن شيكٸزات بولا الاتىن وتىن, تەحنيكالىق كٶمٸرتەگٸ جەنە جوعارى لەگيرلەنگەن بولاتتان تۇرادى. مەحانيكالىق جاعدايدا – اۆتوشينالار, جٷگٸرۋ جولدارى مەن ويىن الاڭدارىنا ارنالعان جابىندار جاساۋعا جارامدى 4 فراكتسييادان تۇراتىن ٷگٸندٸلەر شىعارىلادى. جوبانىڭ جالپى قۇنى – 2,5 ملرد تەڭگە. ٸسكە اسىرۋ نەتيجەسٸندە 150 جاڭا تۇراقتى جۇمىس ورنى اشىلادى.
فوتو:primeminister.kz
ولجاس بەكتەنوۆ اتاپ ٶتكەندەي, بٷگٸندە قازاقستاندا 10 كومپانييا قالدىقتاردى جيناۋ جەنە قايتا ٶڭدەۋدٸڭ ٶزٸندٸك جٷيەسٸن پايدالانادى. ولاردىڭ باسىم بٶلٸگٸ شينالاردى يمپورتتايتىن جەنە قايتا ٶڭدەيتٸن كەسٸپورىندار. ٷكٸمەت باسشىسى بۇل باستامانى قولدايتىنىن ايتىپ, ەكولوگييا جەنە تابيعي رەسۋرستار مينيسترلٸگٸنە مٷددەلٸ ۇيىمدارمەن بٸرلەسٸپ, اتالعان مەسەلەنٸ جان-جاقتى قاراستىرۋدى تاپسىردى.
«تازا قازاقستان» اكتسيياسى اياسىندا كەسٸپورىننىڭ اۆتوشينالاردى كەدەگە جاراتۋ مەن قايتا ٶڭدەۋدٸڭ تولىق تسيكلٸنە ٶتۋگە دەگەن ۇمتىلىسى تۇرعىندار اراسىندا ەكولوگييالىق مەدەنيەتتٸ قالىپتاستىرۋعا وڭ ەسەرٸن تيگٸزۋٸ مٷمكٸن. مەملەكەت باسشىسى قالدىقتار مەسەلەسٸن شەشۋ قاجەتتٸگٸن اتاپ ٶتتٸ. مۇنداي باستامالاردى قولداۋ – ماڭىزدى. مەدەنيەتٸمٸزدٸ ارتتىرۋ قاجەت, قايتا ٶڭدەۋ كٶلەمٸ تۇتىنۋ قارقىنىنا سەيكەس بولۋى كەرەك. بٸز ورنىقتى دامۋ ماقساتتارىنا ۇمتىلامىز, ال ەكولوگييا – نەگٸزگٸ قۇرامداس بٶلٸكتەردٸڭ بٸرٸ», — دەپ اتاپ ٶتتٸ ولجاس بەكتەنوۆ.
