Tanymal telejúrgizýshi Dina Tólepbergen áleýmettik jelidegi paraqshasynda eks-ministr Qýandyq Bishimbaevtyń sot otyrysyna qatysty pikir bildirdi.
"Óltirip, artynan asylyq aitý - erkekke tán tirlik pe? Búgin sotta Qýandyq Bishimbaev marqumnyń mahabbat tarihyn aiaýsyz aityp, ózin aqtap, halyqty adastyrýǵa tyrysyp jatqandai... Nege sýdia erik beredi oǵan?
Saltanattyń ata-anasyna, aǵasyna qanshalyqty qiyn ekenin aitpaǵanda, syrttai baqylap otyrǵan bizder bulqan-talqan bolyp otyrmyz. Ol ne dese, o desin. Biraq biz, áielder, birigip, bir oidan ainymaiyq!" - dep jazǵan ol.
Aita keteiik, áielin uryp óltirdi dep aiyptalyp jatqan Qýandyq Bishimbaev keshe sotta oqiǵanyń qalai bolǵany týraly áńgimeleýdi bastady. Aitýynsha, marqum Saltanat Núkenovanyń týystary áleýmettik jelide durys emes aqparat taratqanyn jáne Saltanatty asa qatygezdikpen óltirý degen bappen kelispeitinin jetkizdi. Sondai-aq, aitýynsha burynǵy azamattyq áieli bai oligarhtardyń kóńildesi bolǵan.
