Aiajan Edilovanyń ólimine qatysty sot isinde jábirlenýshi taraptyń advokaty Qadyrjan Ǵalymjanuly marqum qyz týraly tarap ketken qaýesetterge jaýap berdi. Zańger dizainer arýdyń tánin satýǵa barǵany jaily aqparattarǵa qatysty pikir bildirdi.
Qadyrjan Ǵalymjanuly "Informbiýro 31" arnasyna arnaiy suhbat berip, el arasynda tarap ketken negizi joq qaýesetterdi joqqa shyǵardy. Óziniń zańgerlik pikirin bildirgen advokat Aiajan Edilovanyń kúdiktiniń úiine ne sebepti barǵanyn aitty, dep habarlaidy NUR.KZ portaly.
"Ózimniń zańgerlik sýbektivtik pikirimdi aita keteiin. El arasynda "óziniń tánin satý úshin barǵan", "aqshaǵa kelisken" degen ósekter tarap jatyr. Qydyráli degen dosymen sóilesken habarlamalarynda barter jaiynda sóz qozǵalǵan. Endi bul máselege kelsek. Kópshilik arasynda "barter bolsa nege úiine bardy?" degen suraq týyndaýda. Qazir qoǵamda neshe túrli ekspertter paida boldy ǵoi. Sol kisilerge naqty fakt retinde jaýap bereiin.
Taza sýbektivti pikir ári boljam. Aiajan óziniń negizgi jumys ornynan shyǵyp, ólshem alýǵa barǵan. Ol kisiniń qosymsha tabysy boldy ǵoi. Bireýge baryp ólshem alý tártibi aqyly ekeni bárimizge málim. Taza pikir boiynsha Aiajan jumysynan keiin kúdikti Tórebekovtyń úiine ólshem jasaýǵa barǵan. Sol josparmen úiine kirgen. Ary qarai ne bolǵany tergeýge ǵana málim. Aqiqatqa sai keletin faktiler men ýaqytqa sai eseptelgen boljam osyǵan týra keledi.
Bul tusta mynadai jaittar bar. Aiajan jumysynan keiin tanysymen barter týraly sóilesedi. Ekinshiden, óziniń sol kezde júryp júrgen jigitine jazady. Ol oǵan saǵat on shamasynda jumysynyń aldynda bolatynyn aitady. Eger Aiajan halyq aityp jatqandai aram oiymen barsa, barter týraly da, óziniń júrip júrgen jigitine jumysynyń aldyna kel dep aitpaityn edi. Bul - endi bizdiń boljam. Shyn máninde ne bolǵanyn Aiajan men kúdikti ǵana biledi. Ókinishike orai, biz Aiajannan jaýap ala almaimyz. Tek Tórebekovtyń jaýabynan negiz alyp, ary qarai ózimizdiń qorǵaýmyzdy jalǵastyramyz" , - dedi zańger.
