اياجان ەدٸلوۆانىڭ ٶلٸمٸنە قاتىستى سوت ٸسٸندە جەبٸرلەنۋشٸ تاراپتىڭ ادۆوكاتى قادىرجان عالىمجانۇلى مارقۇم قىز تۋرالى تاراپ كەتكەن قاۋەسەتتەرگە جاۋاپ بەردٸ. زاڭگەر ديزاينەر ارۋدىڭ تەنٸن ساتۋعا بارعانى جايلى اقپاراتتارعا قاتىستى پٸكٸر بٸلدٸردٸ.
قادىرجان عالىمجانۇلى "ينفورمبيۋرو 31" ارناسىنا ارنايى سۇحبات بەرٸپ, ەل اراسىندا تاراپ كەتكەن نەگٸزٸ جوق قاۋەسەتتەردٸ جوققا شىعاردى. ٶزٸنٸڭ زاڭگەرلٸك پٸكٸرٸن بٸلدٸرگەن ادۆوكات اياجان ەدٸلوۆانىڭ كٷدٸكتٸنٸڭ ٷيٸنە نە سەبەپتٸ بارعانىن ايتتى, دەپ حابارلايدى NUR.KZ پورتالى.
"ٶزٸمنٸڭ زاڭگەرلٸك سۋبەكتيۆتٸك پٸكٸرٸمدٸ ايتا كەتەيٸن. ەل اراسىندا "ٶزٸنٸڭ تەنٸن ساتۋ ٷشٸن بارعان", "اقشاعا كەلٸسكەن" دەگەن ٶسەكتەر تاراپ جاتىر. قىدىرەلٸ دەگەن دوسىمەن سٶيلەسكەن حابارلامالارىندا بارتەر جايىندا سٶز قوزعالعان. ەندٸ بۇل مەسەلەگە كەلسەك. كٶپشٸلٸك اراسىندا "بارتەر بولسا نەگە ٷيٸنە باردى?" دەگەن سۇراق تۋىنداۋدا. قازٸر قوعامدا نەشە تٷرلٸ ەكسپەرتتەر پايدا بولدى عوي. سول كٸسٸلەرگە ناقتى فاكت رەتٸندە جاۋاپ بەرەيٸن.
تازا سۋبەكتيۆتٸ پٸكٸر ەرٸ بولجام. اياجان ٶزٸنٸڭ نەگٸزگٸ جۇمىس ورنىنان شىعىپ, ٶلشەم الۋعا بارعان. ول كٸسٸنٸڭ قوسىمشا تابىسى بولدى عوي. بٸرەۋگە بارىپ ٶلشەم الۋ تەرتٸبٸ اقىلى ەكەنٸ بەرٸمٸزگە مەلٸم. تازا پٸكٸر بويىنشا اياجان جۇمىسىنان كەيٸن كٷدٸكتٸ تٶرەبەكوۆتىڭ ٷيٸنە ٶلشەم جاساۋعا بارعان. سول جوسپارمەن ٷيٸنە كٸرگەن. ارى قاراي نە بولعانى تەرگەۋگە عانا مەلٸم. اقيقاتقا ساي كەلەتٸن فاكتٸلەر مەن ۋاقىتقا ساي ەسەپتەلگەن بولجام وسىعان تۋرا كەلەدٸ.
بۇل تۇستا مىناداي جايتتار بار. اياجان جۇمىسىنان كەيٸن تانىسىمەن بارتەر تۋرالى سٶيلەسەدٸ. ەكٸنشٸدەن, ٶزٸنٸڭ سول كەزدە جٷرىپ جٷرگەن جٸگٸتٸنە جازادى. ول وعان ساعات ون شاماسىندا جۇمىسىنىڭ الدىندا بولاتىنىن ايتادى. ەگەر اياجان حالىق ايتىپ جاتقانداي ارام ويىمەن بارسا, بارتەر تۋرالى دا, ٶزٸنٸڭ جٷرٸپ جٷرگەن جٸگٸتٸنە جۇمىسىنىڭ الدىنا كەل دەپ ايتپايتىن ەدٸ. بۇل - ەندٸ بٸزدٸڭ بولجام. شىن مەنٸندە نە بولعانىن اياجان مەن كٷدٸكتٸ عانا بٸلەدٸ. ٶكٸنٸشٸكە وراي, بٸز اياجاننان جاۋاپ الا المايمىز. تەك تٶرەبەكوۆتىڭ جاۋابىنان نەگٸز الىپ, ارى قاراي ٶزٸمٸزدٸڭ قورعاۋمىزدى جالعاستىرامىز" , - دەدٸ زاڭگەر.
