Álemge áigili rejiser Oliver Stoýn ózi prodiýeserlik etken «Qazaq. Altyn adam tarihy» atty filminiń tanystyrylymynda Qazaqstan týraly pikirimen bólisti, dep habarlaidy QazAqparat.
«Siz qarapaiym amerikalyqtarǵa Qazaqstandy qandai el dep sipattar edińiz», - degen suraq qoiylǵan bolatyn amerikalyq mamanǵa.
«Sizge Qazaqstandy túsiný qiyn bolýy múmkin, biraq bul - álemniń bolashaǵy úshin óte mańyzdy el. Qazaqstanda talantty adamdar kóp. Bul óte progressivti el. Ótken ǵasyrdyń 90-shy jyldarynan bastap búgingi kúnge deiin Qytai siiaqty Qazaqstanda da úlken ózgerister bolyp jatqanyn kórip otyrmyz. Bul – úlken úlgi jáne alyp el», - dedi belgili kino mamany.
Onyń aitýynsha, amerikalyq sarapshylar Qazaqstannyń áleýetin jaqsy bilip otyr.
«Amerikalyq sarapshylar Qazaqstandy odaqtas retinde kórgisi keledi. Biraq bul bir jaǵynan Resei men Qytaiǵa qarsy áreket bolyp kórinýi de múmkin. Sondyqtan Qazaqstan osy úderisterdiń bárinde mańyzdy ról atqarady. Qazaqstan barlyq seriktesterimen dostyq qarym-qatynasta. Men únemi aitamyn, biz bir-birimizben kúresýdiń ornyna klimattyń ózgerýin jeńý úshin birge jumys isteýimiz kerek, teketires jaqsy nársege ákelmeidi. Jalpy, diplomatiia qurylymyn ózgertý kerek», - dedi Oliver Stoýn.
