Foto: KAZ.NUR.KZ/ Islam Amanqos
Parij Olimpiadasynda qola júlde ielengen qazaqstandyq sportshylar Nazym Qyzaibai men Ǵusman Qyrǵyzbaev medaliniń sapasy týraly aitty, dep habarlaidy "Ult aqparat" KAZ.NUR.KZ saityna silteme jasap.
Almatyda ótken baspasóz máslihaty kezinde KAZ.NUR.KZ tilshisi Olimpiada júldegerlerinen medaldarynyń sapasy jóninde surady.
"Shyny kerek, medaldyń sapasy nasharlaý, syrty kishkene búlinip jatyr. Biraq jalpy óte ádemi. Boksta júrip qanshama medal jeńip aldym, biraq bul men kórgen eń ádemi medal", - dedi boksshy Nazym Qyzaibai.
Sondai-aq dziýdoshy Ǵusman Qyrǵyzbaev ta júldesiniń sapasy kóńil kónshitpeitinin, biraq dizainy unaǵanyn aitty.
"Frantsiiada júrgende tek ózimiz ǵana ustap júrdik qoi. Ushaqta otyrǵanda qaraǵanymda túr-túsi jaqsy bop turǵan. Elge oralǵan soń birneshe adam ustady. Keiin taǵy bir qarasam medaldyń túri ózgerip ketipti. Qola medaldyń ǵana sapasy osyndai dep estip jatyrmyz. Qaitadan jańasyn berip jiberemiz dep aitty degen de sybys bar. Iá, sapasy nasharlaý, biraq dizainy myqty istelgen, kóńilimizden shyqty. Qandai medal bolsa da bizge unap tur ǵoi", - dedi Ǵusman Qyrǵyzbaev.
Eske sala keteiik, Almaty ákimi Erbolat Dosaev Parijde ótken jazǵy Olimpiada oiyndarynan júldemen oralǵan almatylyq sportshylardy marapattaǵan edi.
