فوتو: KAZ.NUR.KZ/ يسلام امانقوس
پاريج وليمپياداسىندا قولا جٷلدە يەلەنگەن قازاقستاندىق سپورتشىلار نازىم قىزايباي مەن عۇسمان قىرعىزباەۆ مەدالٸنٸڭ ساپاسى تۋرالى ايتتى, دەپ حابارلايدى "ۇلت اقپارات" KAZ.NUR.KZ سايتىنا سٸلتەمە جاساپ.
الماتىدا ٶتكەن باسپاسٶز مەسليحاتى كەزٸندە KAZ.NUR.KZ تٸلشٸسٸ وليمپيادا جٷلدەگەرلەرٸنەن مەدالدارىنىڭ ساپاسى جٶنٸندە سۇرادى.
"شىنى كەرەك, مەدالدىڭ ساپاسى ناشارلاۋ, سىرتى كٸشكەنە بٷلٸنٸپ جاتىر. بٸراق جالپى ٶتە ەدەمٸ. بوكستا جٷرٸپ قانشاما مەدال جەڭٸپ الدىم, بٸراق بۇل مەن كٶرگەن ەڭ ەدەمٸ مەدال", - دەدٸ بوكسشى نازىم قىزايباي.
سونداي-اق دزيۋدوشى عۇسمان قىرعىزباەۆ تا جٷلدەسٸنٸڭ ساپاسى كٶڭٸل كٶنشٸتپەيتٸنٸن, بٸراق ديزاينى ۇناعانىن ايتتى.
"فرانتسييادا جٷرگەندە تەك ٶزٸمٸز عانا ۇستاپ جٷردٸك قوي. ۇشاقتا وتىرعاندا قاراعانىمدا تٷر-تٷسٸ جاقسى بوپ تۇرعان. ەلگە ورالعان سوڭ بٸرنەشە ادام ۇستادى. كەيٸن تاعى بٸر قاراسام مەدالدىڭ تٷرٸ ٶزگەرٸپ كەتٸپتٸ. قولا مەدالدىڭ عانا ساپاسى وسىنداي دەپ ەستٸپ جاتىرمىز. قايتادان جاڭاسىن بەرٸپ جٸبەرەمٸز دەپ ايتتى دەگەن دە سىبىس بار. يە, ساپاسى ناشارلاۋ, بٸراق ديزاينى مىقتى ٸستەلگەن, كٶڭٸلٸمٸزدەن شىقتى. قانداي مەدال بولسا دا بٸزگە ۇناپ تۇر عوي", - دەدٸ عۇسمان قىرعىزباەۆ.
ەسكە سالا كەتەيٸك, الماتى ەكٸمٸ ەربولات دوساەۆ پاريجدە ٶتكەن جازعى وليمپيادا ويىندارىنان جٷلدەمەن ورالعان الماتىلىق سپورتشىلاردى ماراپاتتاعان ەدٸ.
