Búgin bas qalamyzdyń halyqaralyq áýejaiyna Beijińde ótip jatqan qysqy Olimpiadaǵa qatysýshylar - fristail-mogýldan Qazaqstan ulttyq quramasy ushyp keldi, dep habarlaidy QazAqparat Mádeniet jáne sport ministrligine silteme jasap.
Sportshylardy Mádeniet jáne sport ministrliginiń ókilderi men jankúierler qarsy aldy.
«Sport - baq pen bap qatar júretin sala. Tórt jylda bir keletin dúbirli dodada bar kúshterińizdi salyp, jigerlerińizdi kórsettińizder. Biz sizderdi qashanda qoldaýǵa daiynbyz. Jarqyn jeńisterińizdiń áli de alda ekendigine senimimiz mol» -dedi QR MSM Sport jáne dene shynyqtyrý isteri komiteti tóraǵasynyń orynbasary Aigúl Bektenova.
Esterińizge sala keteiik, bairaqty básekede fristail-mogýlda ulttyq qurama sapynda alty sportshy el namysyn qorǵady.
Olardyń qatarynda Iýliia Galysheva men Dmitrii Reiherd finalǵa joldama alyp, Iýliia on birinshi, al Dmitrii segizinshi orynǵa jaiǵasty.
