Foto: Qazaqstan tennis federatsiiasy
Qazaqstannyń birinshi, álemniń tórtinshi raketkasy Elena Rybakina Parijdegi Olimpiada oiyndaryna qatysa almaýynyń sebebin ózi túsindirdi, dep habarlaidy "Ult aqparat" Qaz365.kz saityna silteme jasap.
Sportshy videoúndeý joldady.
"Qurmetti jankúierler, otandastarym! Sizderge Parijdegi Olimpiada oiyndarynda Qazaqstan quramasy sapynda óner kórsete almaǵanyma ózimniń qanshalyqty renjigenimdi jáne ókinetinimdi aityp habarlaimyn. Men komandamen birge belsendi daiyndaldyp, ókinishke qarai, dál jarys bastalar aldynda syrqattanyp qaldym. Dene qyzýym qatty kóterilip, tynys alýym da qiyn boldy, dárigerler maǵan kortqa shyǵýǵa qatań tyiym saldy", - deidi Elena Rybakina.
Ol qazaqstandyq jankúierlerden aqtalmaǵan úmit úshin keshirim surady.
"Bul jaǵdai júregime óte qatty tidi, óitkeni men óz komandammen osy Olimpiada oiyndarynda jaqsy nátijege qol jetkizý úshin kóp jumys jasaǵanmyn jáne medal jeńgim keldi. Tokioda ótken Olimpiadada men medal alýǵa óte jaqyn boldym jáne medal alý meniń úlken maqsatym bolyp qala berdi. Men jaqyn arada kortqa shyǵa alamyn dep úmittenemin.Barlyq otandastaryma alǵysymdy jetkizgim keledi, óitkeni álemniń qai túkpirinde oinasam da sizder maǵan árqashan aitarlyqtai qoldaý kórsetesizder. Stadiondarda kók bairaǵymyzdy kórip árqashan qýanamyn. Kóp rahmet jáne kortqa jaqyn arada oralamyn dep úmittenemin", - dedi tennisshi.
