فوتو: قازاقستان تەننيس فەدەراتسيياسى
قازاقستاننىڭ بٸرٸنشٸ, ەلەمنٸڭ تٶرتٸنشٸ راكەتكاسى ەلەنا رىباكينا پاريجدەگٸ وليمپيادا ويىندارىنا قاتىسا الماۋىنىڭ سەبەبٸن ٶزٸ تٷسٸندٸردٸ, دەپ حابارلايدى "ۇلت اقپارات" Qaz365.kz سايتىنا سٸلتەمە جاساپ.
سپورتشى ۆيدەوٷندەۋ جولدادى.
"قۇرمەتتٸ جانكٷيەرلەر, وتانداستارىم! سٸزدەرگە پاريجدەگٸ وليمپيادا ويىندارىندا قازاقستان قۇراماسى ساپىندا ٶنەر كٶرسەتە الماعانىما ٶزٸمنٸڭ قانشالىقتى رەنجٸگەنٸمدٸ جەنە ٶكٸنەتٸنٸمدٸ ايتىپ حابارلايمىن. مەن كوماندامەن بٸرگە بەلسەندٸ دايىندالدىپ, ٶكٸنٸشكە قاراي, دەل جارىس باستالار الدىندا سىرقاتتانىپ قالدىم. دەنە قىزۋىم قاتتى كٶتەرٸلٸپ, تىنىس الۋىم دا قيىن بولدى, دەرٸگەرلەر ماعان كورتقا شىعۋعا قاتاڭ تىيىم سالدى", - دەيدٸ ەلەنا رىباكينا.
ول قازاقستاندىق جانكٷيەرلەردەن اقتالماعان ٷمٸت ٷشٸن كەشٸرٸم سۇرادى.
"بۇل جاعداي جٷرەگٸمە ٶتە قاتتى تيدٸ, ٶيتكەنٸ مەن ٶز كومانداممەن وسى وليمپيادا ويىندارىندا جاقسى نەتيجەگە قول جەتكٸزۋ ٷشٸن كٶپ جۇمىس جاساعانمىن جەنە مەدال جەڭگٸم كەلدٸ. توكيودا ٶتكەن وليمپيادادا مەن مەدال الۋعا ٶتە جاقىن بولدىم جەنە مەدال الۋ مەنٸڭ ٷلكەن ماقساتىم بولىپ قالا بەردٸ. مەن جاقىن ارادا كورتقا شىعا الامىن دەپ ٷمٸتتەنەمٸن.بارلىق وتانداستارىما العىسىمدى جەتكٸزگٸم كەلەدٸ, ٶيتكەنٸ ەلەمنٸڭ قاي تٷكپٸرٸندە ويناسام دا سٸزدەر ماعان ەرقاشان ايتارلىقتاي قولداۋ كٶرسەتەسٸزدەر. ستاديونداردا كٶك بايراعىمىزدى كٶرٸپ ەرقاشان قۋانامىن. كٶپ راحمەت جەنە كورتقا جاقىن ارادا ورالامىن دەپ ٷمٸتتەنەمٸن", - دەدٸ تەننيسشٸ.
