2014 jyly Jasóspirimder arasyndaǵy ekinshi jazǵy olimpiada oiyndarynda chempion atanǵan qazaqstandyq erkin kúres balýany Muhambet Qýatbek 27 jasynda AQSh-ta belgisiz jaǵdaida dúnieden ótti.
27 jastaǵy sportshy jasóspirimder arasynda biik belesterdi baǵyndyryp úlgergen bolatyn. Ol 2014 jyly Nankinde ótken jasóspirimder Olimpiadasynda top jaryp, keiin jasóspirimder arasynda Aziia chempiony, álem chempionatynyń qola júldegeri atanǵan. Al sońǵy jyldary Muhambet Amerikada turǵan.
Tanymal sportshynyń qazasy týraly belgili sport jýrnalisi Daniiar Kárimjan málimdedi.
«Muhambet balýan 16 naýryz kúni AQSh-ta kóz jumdy. Ol sońǵy eki jylda Filadelfiiada turǵan. Onyń neden qaitys bolǵany belgisiz. Qazirgi tańda balýannyń denesin elge ákelý máselesimen elshilik ainalysyp jatyr», — dedi jýrnalist Daniiar Kárimjan.
Artynsha bul qaraly habardy Qazaqstan kúres federatsiiasynyń baspasóz hatshysy Aspandiiar Esenjolov ta resmi túrde rastady.
«Ókinishke qarai, osyndai habar alyp otyrmyz. Táýelsiz Qazaqstan tarihynda erkin kúresten jasóspirimder Olimpiadasynda top jarǵan balýanymyz Muhambet Qýatbek ómirden ótti. Týystary men ata-anasyna qaiǵyra kóńil aitamyz. 27 jastaǵy balýan sońǵy jyldary AQSh-ta ómir súrdi», — dedi Esenjolov.
