2014 جىلى جاسٶسپٸرٸمدەر اراسىنداعى ەكٸنشٸ جازعى وليمپيادا ويىندارىندا چەمپيون اتانعان قازاقستاندىق ەركٸن كٷرەس بالۋانى مۇحامبەت قۋاتبەك 27 جاسىندا اقش-تا بەلگٸسٸز جاعدايدا دٷنيەدەن ٶتتٸ.
27 جاستاعى سپورتشى جاسٶسپٸرٸمدەر اراسىندا بيٸك بەلەستەردٸ باعىندىرىپ ٷلگەرگەن بولاتىن. ول 2014 جىلى نانكيندە ٶتكەن جاسٶسپٸرٸمدەر وليمپياداسىندا توپ جارىپ, كەيٸن جاسٶسپٸرٸمدەر اراسىندا ازييا چەمپيونى, ەلەم چەمپيوناتىنىڭ قولا جٷلدەگەرٸ اتانعان. ال سوڭعى جىلدارى مۇحامبەت امەريكادا تۇرعان.
تانىمال سپورتشىنىڭ قازاسى تۋرالى بەلگٸلٸ سپورت جۋرناليسٸ دانييار كەرٸمجان مەلٸمدەدٸ.
«مۇحامبەت بالۋان 16 ناۋرىز كٷنٸ اقش-تا كٶز جۇمدى. ول سوڭعى ەكٸ جىلدا فيلادەلفييادا تۇرعان. ونىڭ نەدەن قايتىس بولعانى بەلگٸسٸز. قازٸرگٸ تاڭدا بالۋاننىڭ دەنەسٸن ەلگە ەكەلۋ مەسەلەسٸمەن ەلشٸلٸك اينالىسىپ جاتىر», — دەدٸ جۋرناليست دانييار كەرٸمجان.
ارتىنشا بۇل قارالى حاباردى قازاقستان كٷرەس فەدەراتسيياسىنىڭ باسپاسٶز حاتشىسى اسپاندييار ەسەنجولوۆ تا رەسمي تٷردە راستادى.
«ٶكٸنٸشكە قاراي, وسىنداي حابار الىپ وتىرمىز. تەۋەلسٸز قازاقستان تاريحىندا ەركٸن كٷرەستەن جاسٶسپٸرٸمدەر وليمپياداسىندا توپ جارعان بالۋانىمىز مۇحامبەت قۋاتبەك ٶمٸردەن ٶتتٸ. تۋىستارى مەن اتا-اناسىنا قايعىرا كٶڭٸل ايتامىز. 27 جاستاعى بالۋان سوڭعى جىلدارى اقش-تا ٶمٸر سٷردٸ», — دەدٸ ەسەنجولوۆ.
