Beijiń Olimpiadasynyń alǵashqy jarys kúninde fristail-mogýldan erler arasyndaǵy irikteý syny aiaqtaldy, - dep habarlaidy "Ult aqparat" Olympic.kz saityna silteme jasap.
Birinshi irikteý ainalymynda el namysyn qorǵaǵan eki sportshymyz da úzdik ondyqqa engen joq. Dmitrii Reiherd 75.43 upaimen 12-oryn aldy.
Pavel Kolmakov 74.09 upaimen 17-orynda. Eki sportshymyz da 5 aqpan kúni ótetin irikteý kezeńiniń ekinshi ainalymynda synǵa túsedi.
Irikteý kezeńiniń qorytyndysy boiynsha alǵashqy ondyqqa engen mogýlshylar finalǵa birden joldama aldy. Dál qazir kanadalyq Mikael Kingsberi 81.15 upaimen kósh bastap keledi.
