Beijińdegi qysqy Olimpiadada shańǵydan áielder arasyndaǵy sprintten irikteý syny aiaqtaldy, dep habarlaidy QazAqparat.
Ókinishke qarai qazaqstandyq shańǵyshylar sprint jarysynda irikteýden óte alǵan joq.
Jarystyń erejesine sáikes, shirek finalǵa joldama alý úshin sportshylar alǵashqy 30 shańǵyshynyń qataryna enýi kerek bolatyn.
Biraq qazaqstandyqtar sapynan eń joǵary nátijeni Nadejda Stepashkina tirkedi. Ol máre syzyǵyn 51-shi bolyp kesip ótti.
Al ózge shańǵyshylarymyzdan Angelina Shýryga 60-oryn, Kseniia Shalygina 67-oryn, Irina Bykova 68-orynmen irikteý synyn aiaqtady.
Endi shamaly ýaqyttan keiin erler arasyndaǵy irikteý syny bastalady. Onda qazaqstandyq Evgenii Velichko men Vitalii Pýhkalo óner kórsetedi.
Aita keteiik, Beijiń qalasyndaǵy 2022 jylǵy Qysqy Olimpiadada sporttyń jeti túrinen 109 medal jiyntyǵy sarapqa salynady.
Aq Olimpiadada elimizdiń atynan 34 sportshy 85 joldama boiynsha el namysyn qorǵap jatyr.
