Beijińde Olimpiada oiyndary aiasynda konkimen júgirý sporty boiynsha erler arasynda 500 m qashyqtyqta jarystar aiaqtaldy. Atalǵan sanat boiynsha jarys jolyna Qazaqstan sapynan Ivan Arjannikov shyqty, dep habarlaidy "Ult aqparat".
Ókinishke qarai otandasymyz úzdikter qataryna qosyla alǵan joq. Ol 500 metr qashyqtyqty 35:82 sekýndta júgirip ótip, 30 sportshy arasynan 28-orynǵa ie boldy.
Atalǵan qashyqtyqty 34,32 sekýndta júgirip ótken qytailyq Gao Tiniýi altyn medal iegeri atandy. Kúmis júldeni ońtústik koreialyq (34,39) Cha Min Kiý qanjyǵasyna bailasa, úzdik úshtikti japoniialyq Vatarý Morishi (34,49) óz enshisine jazdy.
Aita keterligi, Ivan Arjannikov erler arasynda 1000 m qashyqtyq boiynsha da synǵa túsedi.
