Búgin Beijińde ótip jatqan Olimpiadada oiyndarynda biatlonnan erler arasyndaǵy sprint jarysy ótti, dep habarlaidy QazAqparat.
Biatlon erler arasyndaǵy 10 shaqyrymdyq sprint jarysynda el namysyn Vladislav Kireev jáne Aleksandr Mýhin qorǵady.
Jarys qorytyndysynda Aleksandr Mýhin máre syzyǵyn 49-shy bolyp kesti. Al Vladislav Kireev márege 77-shi bolyp jetti.
Nátijesinde Mýhin aldyńǵy 50 sportshynyń qatarynan kórinip, iz kesý jarysyna qatysýǵa múmkindik aldy.
Bul dodada máre syzyǵyn birinshi bolyp kesken Norvegiia Iohannes Boe (24:00.4 (0+1)) jeńimpaz atandy. Ekinshi oryndy frantsiialyq biatlonshy Kventin Fiion-Meile (+25,5 (1)) qanjyǵasyna bailady. Úzdik úshtikti Norvegiianyń taǵy bir ókili Taria Be (+38,9 (1)) túiindedi.
