Reseilik mánerlep syrǵanaýshy Alina Zagitovanyń qazaqstandyq sportshy Denis Tendi jerleý kúni jelide jariialaǵan kóńildi sýreti jankúierlerdiń ashýyn keltirdi.
Alina Zagitova nebary 16 jasta, sol sebepti keide jankúierlermen aralasý kezinde oǵan danalyq jetispei jatady, dep jazady gazeta.ru.
20 shilde kúni sportshy qyz instagramdaǵy paraqshasyna jattyǵý kezinde qyzǵylt shardyń qasynda túsken sýretin jariialap, astyna "Dástúr boiynsha…"dep jazǵan. Buǵan qosa, qasyna kóńildi "smailikter"qoiǵan.
Dál osy kúni Qazaqstan halqy avtokólik urylarynyń qolynan qaza tapqan Sochi Olimpiadasynyń qola júldegeri Denis Tenmen qoshtasyp jatty.
Áleýmettik jeli qoldanýshylary aza tutý kúni kóńildi sýretpen bólisken qyzdy aiyptai jóneldi.
"Bul sýretti mánerlep syrǵanaýshyny jerleý kúni emes, basqa kúni salsa da bolatyn edi",- dep jazdy qoldanýshylardyń biri.
Keibir jankúierleri "kýmirine" qoldaý kórsetýge de tyrysty.
"Alina, osy ýaqytta bul sýretti jariialamaýyń kerek edi. Nege ákep soqqanyn kórdiń ǵoi. Mundai reaktsiia bolatynyn boljaýyń kerek edi. Tek osyǵan bola kóńilińdi túsire kórme. Sen áli on alty jastasyń, ómirlik tájiribeń az. Ózińdi kinálama. Jaǵdaidy durys baǵalaý úshin tájiribeń jetispeii qalǵany kórinip tur. Osydan oi túiip, óz jolyńmen odan ári júre ber", — dep keńes berdi air_khama.
Al qazaqstandyq qoldanýshylardyń biri jankúierlerdi toqtatýǵa tyrysyp, marqumnyń rýhyn qurmetteýge shaqyrdy.
"Men Qazaqstannanmyn, búgin biz Denisti jer qoinyna tapsyrdyq, búkil el qaiǵydan qara jamylyp otyr. Osymen úshinshi kún kózimnen jas tyiylar emes, al sender jurttyń ne salǵan-salmaǵanyn talqylap, daýryǵyp jatsyńdar. Toqtatyńdar! Denistiń rýhyn qurmetteńder!", —dep jazdy ol.
Desek te, Zagitova aitylǵan synǵa tótep berdi, tipti keshirim surap, post jazǵan da joq. Biraz ýaqyttan keiin sportshy qyz Japoniianyń Kioto qalasyndaǵy túsirilimnen taǵy bir pozitivti sýret jariialady.
