Olimpiada chempiony Jaqsylyq Úshkempirov ómirden ozdy. Bul týraly "Ult aqparat" Qazaqstan grek-rim, erkin jáne áielder kúresi federatsiiasyna silteme jasap habarlaidy.
«Grek-rim kúresinen qazaqstan shyqqan tuńǵysh Olimpiada chempiony, Álem chempiony, Qazaqstannyń eńbek eri, «Barys», «Qurmet» «Parasat» ordenderiniń iegeri Jaqsylyq Ámiráliuly Úshkempirov aǵamyz baqilyq boldy. Batyr aǵamyzdyń Máskeý Olimpiadasyndaǵy erligine biyl 40 jyl tolyp edi... Marqumnyń barlyq týǵan-týystaryna, otbasyna, jora-joldastaryna, barsha Qazaqstan kúresiniń jankúierlerine qaiǵyryp kóńil aitamyz!», - dep jazdy Qazaqstannyń kúresi federatsiiasy paraqshasynda.
Jaqsylyq Úshkempirov 1951 jyly 6 mamyrda Qazaq KSR, Jambyl oblysy, Sverdlovsk aýdany, Chapaev keńsharynda dúniege kelgen.
Ol - grek-rim kúresiniń palýany, sport sheberi (1971), Halyqaralyq sport sheberi (1975), Eńbek sińirgen sport sheberi (1980), altyn medalge ielengen qazaqtan shyqqan tuńǵysh Olimpiada chempiony (Máskeý, 1980), Álem chempiony (1981), álem kýbogynyń kúmis júldegeri (1982), eki dúrkin Keńes Odaǵynyń chempiony (1975, 1980), Qazaq KSR eńbek sińirgen jattyqtyrýshysy.
2019 jyly Jaqsylyq Úshkempirovtiń ómiri týraly «Jaqsylyq» kórkem filmi túsirildi. Úshkempirovtiń jasóspirim jáne bozbala shaǵyn Elnar Nazarkýl men Sanýrjan Súleimenov, al 60 jastaǵy kezin Dosjan Janbotaev oinady.
