Foto: digitalbusiness.kz
Dýbai stilinde jasalatyn tanymal shokoladtyń úsh túrli brendine Britaniianyń taǵam qaýipsizdigi basqarmasy shuǵyl túrde tyiym salýǵa buiryq shyǵardy, dep habarlaidy Ult.kz Daily Mail basylymyna silteme jasap.
Britaniianyń taǵam qaýipsizdigi basqarmasy ótken aida Nrosis Schokolade Love of Dubai shokoladtarynyń quramynda deklaratsiiadan ótpegen ólimge ákeletindei allergiia týǵyzýy múmkin zattar bar dep, shokoladtyń folgaǵa oralǵan túrin bólshek saýdada satýǵa tyiym salǵan.
Endi resmi oryn Fix it Dubai Kunafa Chocolate (50 g) jáne Le Damas Dubai Chocolate Kunafa and Pistachio (200 g) shokoladtaryna taǵam qaýipsizdigi boiynsha eskertý jasap, ónim shyǵaratyn kompaniialardy dereý satýdy doǵarý týraly talap qoidy.
Sondai-aq taǵam qaýipsizdigi agenttigi bul shokoladtardy "taǵamǵa paidalanýǵa bolmaidy" degen eskertý engizdi. Eskertý tutynýshylar men bólshek saýdagerlerge arnalǵan.
Bul sheshim shyǵarylǵan shokolad partiialarynyń barlyq kodtaryna jáne barlyq shyǵarý merzimine qatysty.
Shokolad ásirese jańǵaq, jerjańǵaq, badam, keshiý men grek jańǵaǵyna allergiiasy bar adamdarǵa qaýipti. Ol anafilaksiia týdyrýy múmkin. Alaida bul shokolad qaptamasynda jazylmaǵan.
Buǵan deiin Eýropa biligi júrgizgen tekseriste Dýbai shokoladynyń kei bir túriniń quramynda deklaratsiiadan ótpegen kúnjit, tyiym salynǵan boiaǵyshtar men kantsentratsiialyq zattar anyqtalǵan.
Birde nemis zertteýshileri fistashki qosylǵan import shokoladtarda aflatoksin (baýyr ragine ákeletin toksindi qosyndylar) bar ekenin anyqtap, "jappai qaýipsizdikti buzý" faktilerin jariialaǵan.
Maýsym aiynda Qarjylyq retteý jáne qadaǵalaý basqarmasy (FSA) tutynýshylardy Dýbai stilindegi shokoladtar japsyrmalaryn tekserýge jáne allergenderdi kórsetetin ingredientter aǵylshyn tilinde tizimdelmegen bolsa, olardy satyp almaýǵa shaqyrdy. Sonymen qatar qaptamada ónimniń shyǵý merzimi, jaýapty kompaniianyń mekenjaiy kórsetilýi kerek.
Alaida sarapshylar áleýmettik jeli arqyly trendke ainalǵan áigili Dýbai shokoladynyń satylymy onyń qaýipi týraly eskertýden jyldam ekenin aitady.
