Ólim jazasyn joiý sheshimin túpkilikti bekitý úshin Konstitýtsiiaǵa tiisti ózgerister engizý kerek. Bul týraly Memleket basshysy Qasym-Jomart Toqaev Qazaqstan halqyna Joldaýynda aitty, dep habarlaidy QazAqparat.
«Meniń azamattardyń negizgi quqyqtaryn qorǵaýǵa erekshe nazar aýdaratynymdy bilesizder. 2020 jyly bizdiń elimiz ólim jazasynyń kúshin joiýdy kózdeitin azamattyq-saiasi quqyqtar týraly ekinshi fakýltativti hattamaǵa qosyldy. Ótken jyly men osy salany uzaq merzimdi jáne keshendi damytýǵa baǵyttalǵan Adam quqyqtary salasyndaǵy ári qaraiǵy sharalar týraly Jarlyqqa qol qoidym. Ulttyq qoǵamdyq senim keńesiniń qatysýymen basqa da birqatar progressivti bastamalar iske asyryldy. Alaida, quqyq qorǵaý problematikasy únemi jetildirýdi talap etedi. Ólim jazasyn joiý týraly sheshimdi túpkilikti bekitý úshin Konstitýtsiiaǵa tiisti ózgerister engizý kerek dep sanaimyn», - dedi Prezident.
